«Тушыць няма чым, няма тэхнікі». Вялікія лясныя пажары ў Расіі
У шэрагу сібірскіх рэгіёнаў уведзены рэжым НС. Праблемы з пажарамі тут пачаліся раней звычайнага з-за таго, што ваенныя самалёты, якія раней выкарыстоўваліся на тушэнні, зараз занятыя на вайне Расіі з Украінай. Так мяркуюць эксперты.
Пажар у Краснаярску
Горшая сітуацыя зараз складваецца ў Іркуцкай вобласці і Хакасіі. У Мінусінскім раёне Краснаярскага краю агонь падышоў да жылых дамоў вёскі Знаменка ‒ жыхарам цэлай вуліцы прыйшлося эвакуіравацца, кінуўшы дамы. Мясцовыя жыхары распавялі «Сібір. Рэаліі», што дамы не пацярпелі «толькі цудам» з-за раптоўнага дажджу.
‒ Учора было вельмі страшна. Над усім сялом больш за суткі вісеў дым, пахла гарам, агонь прамы каля дамоў быў, ‒ распавяла жыхарка вёскі Знаменка Зайтуна Абдзюханава.
Па словах іншага жыхара Знаменкі Мікіты Наважылава, больш за дзясятак дамоў тэрмінова эвакуіравалі, астатнія жыхары больш за суткі правялі, рызыкуючы стаць ахвярамі пажару.
Мясцовыя гавораць, лясныя пажары ў раёне адбываюцца кожны год і часта, але «каб настолькі блізка да вёскі ‒ першы раз».
‒ Асабліва было страшна, што нас апавясцілі аб магчымай эвакуацыі ‒ каб дакументы сабралі і гэтак далей, але вывозіць не сталі. І вось усё гарыць вакол, трашчыць, а мы сядзім па хатах, чакаем.
У выніку дапамог дожджык, бо на тушэнні людзей было няшмат, а пажар разгарэўся вялікі, яшчэ і верхавы! — кажа Галіна Папова са Знаменкі. — Дык шкада лесу, шмат добрага маладога лесу згарэла.
Самі мясцовыя гавораць, што пасля Знаменкі агонь, нягледзячы на дождж, перайшоў да суседніх пасёлкаў і сёння гарыць ля пасёлка Кутужэкава.
Замежныя СМІ са спасылкай на экспертаў пішуць, што плошча пажараў у расійскіх рэгіёнах будзе разрастацца, паколькі на фоне вайны ва Украіне Маскве не хапае сілаў для іх ліквідацыі, у прыватнасці ваеннай авіяцыі.
Жыхары краю расказваюць, што небяспечная сітуацыя складваецца не толькі ў раёнах, у сёлах ля лесу, але нават у межах сталіцы краю. Чарговы пажар на востраве Татышаў у Краснаярску прыйшлося тушыць наведвальнікам парка.
Жыхары іншага сібірскага рэгіёна ‒ Омскай вобласці ‒ кажуць аб тым жа: для тушэння пажараў не хапае тэхнікі.
‒ Я з'яўляюся вясковым дэпутатам. У мінулым годзе ў нашым сяле ў Любінскім раёне згарэла некалькі дамоў ад падпалу травы вясной. У гэтым годзе таксама пачаліся пажары. І ў гэтым месяцы ўжо згарэлі дамы ў іншай вёсцы Любінскага раёна ‒ Уладзіміраўцы. Ёсць ахвяры. Пры гэтым інфармацыя на афіцыйным узроўні хаваецца, бо пажары няма чым тушыць, няма тэхнікі, ‒ кажа Алеся Грыгор'ева.
Абстаноўку з пажарамі жыхары Омска называюць складанай.
Па словах Аляксандра Анохіна, дым над горадам збіраецца апошнія тры тыдні. Жыхары скардзяцца на пагаршэнне самаадчування, пачасціліся выклікі хуткай дапамогі з-за шчыльнай смугі.
‒ Трохі раней звычайнага пачалося. Версіі ў жыхароў такія: губернатар і рэгіянальныя ўлады ўвогуле не надаюць гэтаму увагі.
У мінулым годзе Буркоў (Аляксандр Бурков, губернатар Омскай вобласці. ‒ СР) рэгулярна збіраў нарады па пажарах. Цяпер ён заняты фестывалямі «Za прэзідэнта», ‒ тлумачыць Чабыкін.
‒ Акрамя гэтага, з кожным годам зніжаецца фінансаванне рэгіянальнага бюджэту на перадухіленне НС. Вось глядзіце лічбы за апошнія два гады ‒ выдаткі на пажарную бяспеку і перадухіленне надзвычайных сітуацый з 300 мільёнаў рублёў у 2021 годзе знізілася да 270 мільёнаў у 2022-м. На 2023 год закладзена ўсяго 259 мільёнаў! Тады як выдаткі на абарону, наадварот, выраслі.
Або вось ‒ выдаткі на вядзенне лясной гаспадаркі (наём леснікоў) ‒ зніжэнне з 370 мільёнаў да 80!
На 4 мая плошча лясных пажараў у рэгіёнах Сібірскай федэральнай акругі, а таксама ў Бураціі і Забайкалле вырасла да 5,7 тысячы гектараў, паводле даных «Авіялесаховы». За суткі ахопленая агнём тэрыторыя лесу павялічылася амаль удвая.
У Хакасіі плошча пажараў вырасла з 1,2 тысячы да 2,1 тысячы га, у Іркуцкай вобласці ‒ з 816 га да 2 тысяч га. У Краснаярскім краі агонь ахапіў больш за 500 га лесу, у Туве ‒ каля 400.
Рэжым НС уведзены ў раёнах трох расійскіх рэгіёнах ‒ Курганскай вобласці, Хакасіі і Бураціі. Асаблівы супрацьпажарны рэжым дзейнічае ў 42 суб'ектах Расійскай Федэрацыі.
Крытычную сітуацыю ў Іркуцкай вобласці з-за лясных пажараў пацвердзіў губернатар Ігар Кобзеў ‒ у сваім тэлеграм-канале ён абвясціў, што агонь ушчыльную наблізіўся да аўтатрасы «Сібір».
