Станіслава Шушкевіча пахавалі на тых жа могілках, што і Рамана Бандарэнку
Першапачаткова адміністрацыя ўстановы адмаўляла у дазволе, нягледзячы на запыты родных.
Сёння ў Мінску адбылося развітанне з першым кіраўніком незалежнай Беларусі. Прасціцца са Станіславам Шушкевічам прыйшла велізарная колькасць людзей: ля сталічнага архікатэдральнага касцёлу выстраілася даўжэзная чарга.
Аднак сярод тых, хто прышоў правадзіць палітыка ў апошні шлях, не знайшлося прадстаўнікоў ўлады, як і вянкоў ад іх.
Станіслава Шушкевіча пахаваюць у Мінску на Паўночных могілках блізка да матулі. Як распавёў сын палітыка, першапачаткова адміністрацыя ўстановы адмовіла родным у гэтым жаданні, нягледзячы на наяўнасць выкупленых сям'ёй месцаў. Аднак пасля дазвол на пахаванне ўсё ж быў атрыманы.
Адзначым, што на тых жа Паўночных могілках пахаваны актывіст і патрыёт Беларусі Раман Бандарэнка, збіты да смерці айчыннымі сілавікамі.
