Знайсці
06.05.2022 / 11:09

Сапега адпраўляюць у калонію на 6 гадоў, нягледзячы на супрацу яе і Пратасевіча са следствам

Вынесены прысуд Сафіі Сапега, якую затрымалі разам з Раманам Пратасевічам пасля пасадкі рэйса Ryanair — 6 гадоў калоніі. 24-гадовую студэнтку Еўрапейскага гуманітарнага ўніверсітэта абвінавачвалі ў тым, што яна была рэдактарам тэлеграм-канала «Чорная кніга Беларусі», які публікаваў асабістыя даныя сілавікоў. Ёй выставілі абвінавачванне па сямі артыкулах. А судзілі па двух. Яна пісала прашэнне на імя Лукашэнкі. 

Таксама Сапега абавязалі выплаціць пацярпелым кампенсацыю маральнай шкоды на суму 167 500 рублёў і судовую пошліну — 7 488 рублёў.

23 мая 2021 года Раман Пратасевіч і Сафія Сапега ляцелі рэйсам авіякампаніі Ryanair па маршруце «Афіны — Вільня». Да Вільні Сапега і Пратасевіч не даляцелі — самалёт прызямліўся ў Мінску з-за паведамлення пра бомбу на борце. Маладых людзей знялі з рэйса і затрымалі.

14 чэрвеня на брыфінгу беларускіх уладаў аб пасадцы самалёта, у якім удзельнічаў і сам Раман Пратасевіч, упершыню былі афіцыйна названыя артыкулы, па якіх падазраюць Сапега. Кіраўнік СК Дзмітрый Гара распавёў, што першапачаткова дзяўчыну затрымалі ў аэрапорце па падазрэнні ў грубым парушэнні парадку, але «практычна адразу яна была прыцягнутая ў якасці абвінавачанай па іншай крымінальнай справе» — за распальванне сацыяльнай варожасці.

Праз некалькі дзён пасля брыфінгу Сапега і Пратасевіча перавялі пад дамашні арышт. Незадоўга да завяршэння расследавання па справе Сапега яе айчым распавёў, што дзяўчына напісала прашэнне аб памілаванні на імя Аляксандра Лукашэнкі і што Сапега ўжо больш за два месяцы не жыве з Пратасевічам і знаходзіцца пад хатнім арыштам у кватэры ў Лідзе.

У снежні Сапега выставілі абвінавачванне па сямі артыкулах КК:

— ч. 3 арт. 130 (распальванне варожасці ў складзе групы асоб),

— ч. 4 арт. 16 і 364 (арганізацыя гвалту і пагроз у дачыненні да міліцыянераў),

— ч. 4 арт. 16 і 365 (арганізацыя пагроз, паклёпу ці распаўсюджванне звестак пра міліцыянераў),

— ч. 4 арт. 16 і 366 (арганізацыя гвалту і пагроз у дачыненні да службовых асоб),

— ч. 4 арт. 16 і 389 (арганізацыя пагрозы забойствам ці гвалту ў дачыненні да суддзяў),

— ч. 4 арт. 16 і 198 (арганізацыя перашкод дзейнасці журналістаў з пагрозай ужывання гвалту),

— ч. 1 і 2 арт. 203-1 (наўмысны збор інфармацыі і персанальных звестак іншай асобы).

Соф'ю Сапега прызналі вінаватай па ч.3 арт. 130 и ч. 1 арт. 179 (незаконныя збор або распаўсюджванне звестак аб прыватным жыцці, якія складаюць асабістую або сямейную таямніцу іншай асобы, без яе згоды, якія прывялі да прычынення шкоды правам, свабодам і законным інтарэсам пацярпелых).

Сафія Сапега будзе адбываць пакаранне ў калоніі агульнага рэжыму. Яе ўзялі пад варту ў залі суда.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2021 2022 2023
ПН АЎ СР ЧЦ ПТ СБ НД
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30