Знайсці
05.05.2022 / 14:06РусŁacБел

Камандаванне Украіны заявіла аб пераходзе ў контрнаступ па двух кірунках

Пра гэта гаворыцца ў паведамленні па выніках тэлефоннай размовы галоўнакамандуючага УСУ Валерыя Залужнага са старшынёй аб'яднанага камітэта начальнікаў штабоў ЗША Маркам Мілі. 

«Праінфармаваў свайго амерыканскага калегу пра аператыўную абстаноўку. У прыватнасці, пра перамяшчэнне асноўных сілаў саперніка на Луганскі кірунак, дзе ў раёне Папаснай, Крамянной і Торскага працягваюцца лютыя баі, а таксама аб пераходзе сілаў абароны Украіны да контрнаступальных дзеянняў на Харкаўскім і Ізюмскім кірунках», — заявіў Залужны.

Таксама ён акцэнтаваў увагу на аднаўленні прымянення расійскімі войскамі крылатых ракет. Галоўнай мэтай гэтых дзеянняў, паводле яго, з'яўляецца разбурэнне лагістычных шляхоў пастаўкі ваенна-тэхнічнай дапамогі Украіне. Так, на працягу сутак 3 мая, як сцвярджае Залужны, сапернік ужыў 14 крылатых ракет, выпушчаных са стратэгічных бамбавальнікаў ТУ-160 з Каспійскага мора.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера