Знайсці
14.04.2022 / 18:19РусŁacБел

«Беларусь не будзе ўцягнутая ў вайну». Макей заклікаў ЕС да дыялогу з Мінскам

Міністр замежных спраў Уладзімір Макей звярнуўся да ЕС з заклікам «аднавіць дыялог» паміж Мінскам і Бруселем.

У лісце, датаваным 6 красавіка і высланым афіцыйна ў Еўрасаюз ды асабіста некалькім міністрам замежных спраў краін ЕС, Макей заклікае Брусель «адмовіцца ад абвінавачванняў і ярлыкоў, запальнай рыторыкі і аднабаковых абмежавальных мер ды пераасэнсаваць парадыгму будучых адносін Беларусі і ЕС».

Як сцвярджае Макей у сваім пасланні, «мы катэгарычна адкідаем любыя інсінуацыі наконт таго, што Беларусь нейкім чынам ангажаваная ў баявыя дзеянні ва Украіне».

«Беларусь не будзе ўцягнутая ў вайну», — запэўнівае Макей у лісце, доступ да якога атрымала «Свабода».

Паводле Макея, санкцыі ЕС, якія нібыта маюць на мэце «змяніць паводзіны Беларусі», у выніку дадуць толькі «менш ЕС у Беларусі».

«Хіба гэта ў інтарэсах кагосьці ў Еўропе?» — пытаецца кіраўнік МЗС Беларусі.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера