Раман Пратасевіч стане «сістэмным праваабаронцам»

Затрыманы блогер Раман Пратасевіч абвясціў у сваім Твітары, што з 24 студзеня пачынае супрацоўніцтва з цэнтрам «Сістэмная праваабарона». Увосень гэты цэнтр стварыў праўладны і прарасійскі актывіст Дзмітрый Белякоў.

Скрыншот відэа АНТ.

12 кастрычніка Дзмітрый Белякоў зарэгістраваў інфармацыйна-асветніцкую ўстанову «Цэнтр «Сістэмная праваабарона» ў Мінгарвыканкаме.

У апісанні телеграм-канала гэтага цэнтра ў якасці ягонай мэты запісана: «Забеспячэнне законнасці пры ўмове гуманнага стаўлення да чалавека, удзелу ў яго лёсе».

Паводле mediazona.by Белякоў выступаў у СМІ з каментарамі па тэме мігранцкага крызісу на мяжы Беларусі і ЕЗ, прысутнічаў у бежанскім лагеры на мяжы, а таксама сцвярджаў, што мігранты звяртаюцца да яго па дапамогу.

21 студзеня Белякоў апублікаваў у Тэлеграме пост, што адправіў пракурору міжнароднага крымінальнага суда ў Гаазе «заяву з просьбай узбудзіць крымінальную справу па артыкуле «Аб генацыдзе і злачынствах супраць чалавечнасці» ў дачыненні да бежанцаў з боку Польшчы і Літвы».

Некалькі дзён таму Раман Пратасевіч пасля працяглага маўчання анансаваў перамены ў сваім жыцці. Цяпер, як выглядае, пачынае з'яўляцца нейкая канкрэтыка.

Я же говорил, что скоро в моей жизни будут изменения? Ну так вот, с завтрашнего дня я начинаю сотрудничество с центром «Системная правозащита».

И уже в ближайшие дни отвечу на все интересующие вопросы в прямом эфире. pic.twitter.com/eDoC0m8kAU
— Roman Protasevich (@protas_by) January 23, 2022