Выйшлі доўгачаканыя новыя нумары часопісаў «Дуду» і «Асцярожна: дзеці!»!
Пытайцеся ў кнігарнях і супермаркетах! А найлепш — падпісвайцеся праз Nashakrama.by!
У «Асцярожна: дзеці!»! (для старэйшых дзетак) на гэты раз тэма — «Дыназаўры». Настолка ў гэтым нумары называецца «Беражыся метэарыта», комікс «Сустрэча з дыназаўрам», а дэтэктыўнае апавяданне з серыі «Расследуюць дзеці» — пра страшную загадку Яшчура.
У «Дуду» (для меншых дзетак) тэма нумара — адзенне і абутак. У нумары і навуковая старонка, і новая Пластыляндыя, і комікс Андрэя Скурко, і вершы Андрэя Скурко, і заданні на развіццё логікі і маторыкі. І, канечне, новая казка Алены Міхаленка.
Самую свежую інфармацыю пра гэтыя часопісы можна атрымліваць у тэлеграм-канале «Нашы дзеткі». Гэты канал створаны для бацькоў маленькіх беларусаў — дашкольнікаў і малодшых школьнікаў. Тут вы знойдзеце парады і падказкі, гульні, казкі, вершы, загадкі, заданні для развіцця і многае іншае. Далучайцеся!
