Знайсці
18.01.2022 / 19:15РусŁacБел

Прэзідэнт Турцыі Эрдаган: Украіна моцная дзяржава, і Расія не асмеліцца яе акупаваць

Прэзідэнт Турцыі Рэджэп Таіп Эрдаган у гутарцы з журналістамі падчас візіту ў Албанію назваў сцэнарый акупацыі Украіны Расіяй далёкім ад рэальнасці, піша УНІАН.

Фота: truba71.gmail.com / depositphotos.com

Турэцкі прэзідэнт адзначыў, што Украіна — не звычайная краіна, Украіна — моцная дзяржава.

«Для прыняцця такога кроку ў Маскве павінны прааналізаваць сітуацыю ў свеце і ўнутры краіны», — сказаў Эрдаган, паводле турэцкага агенцтва Анадолу. Таксама ён паведаміў, што абмяркуе сітуацыю ва Украіне з прэзідэнтам Азербайджана Ільхамам Аліевым, які напярэдадні знаходзіўся з візітам у Кіеве.

Прэзідэнт Турцыі падкрэсліў, што ў сучасным свеце імкненне да акупацыі чужых зямель не прывядзе да пажаданага выніку.

«Напрыклад, якія крокі зрабіла Расія ва Украіне, у Крыме? Яна ўварвалася ў Крым. Падчас кожнай гутаркі з Пуціным я заяўляю, што Турцыя супраць акупацыі Крыма. Гэтую ж пазіцыю даводзіць да расійскага боку знешнепалітычнае ведамства Турцыі. Гэта значыць, пазіцыя Турцыі па гэтым пытанні адназначная», — сказаў Эрдаган.

Раней турэцкі прэзідэнт прапаноўваў сваё пасярэдніцтва ў расійска-ўкраінскім канфлікце. А ў снежні 2021-га міністр замежных спраў Дмытро Кулеба анансаваў, што Эрдаган у пачатку 2022 года прыедзе з візітам ва Украіну.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера