Знайсці
18.01.2022 / 12:07

«Гэта — асаблівае адчуванне»: студэнтка Акадэміі музыкі расказала, як выратавала замежніка, што праваліўся пад лёд у цэнтры Мінска

Здарэнне адбылося на выхадных у самым цэнтры Мінска каля вострава «Мужнасці і смутку». Мужчына-замежнік вырашыў скараціць дыстанцыю і перайсці па лёдзе, аднак праваліўся пад ваду.

Да прыезду ратавальнікаў яго дасталі з вады студэнтка 2-га курса Акадэміі музыкі Алена Ялашэўская і Сяргей Дзеранько.

Алена расказала пра выпадак.

«Я ішла па беразе і проста глядзела ў бок Свіслачы. У нейкі момант я заўважыла рухі чалавека ў вадзе. Я пабегла туды. Там побач якраз стаяў мужчына, які тэлефанаваў у МНС, разам з ім мы і ратавалі гэтага пацярпелага. Я зняла куртку і стала шукаць паблізу палку, каб яму было за што ўхапіцца. Пазней зразумела, што не варта губляць час, бо яму трэба тэрмінова дапамагчы.

Я легла на жывот і папаўзла па лёдзе, калі я падпаўзла да яго і стала цягнуць, лёд каля яго стаў ламацца. А ў мяне не было добрага пункту апоры, каб моцна ўхапіцца і выцягнуць яго, бо я лягчэйшая за яго. Як толькі я рабіла спробу падняць яго на лёд, ён крышыўся пад ім і мужчына зноў правальваўся ў ваду.

Як раз у гэты час да мяне падышоў той мужчына, які тэлефанаваў у МНС, ён знайшоў палку і крыкнуў мне трымацца за яе. Мы злучыліся ланцужком і ўдваіх сталі цягнуць адзін аднаго па лёдзе і змаглі выцягнуць. А ўжо бліжэй да сушы нам дапамаглі падлеткі, што стаялі на беразе. Улічваючы, што мужчына замежнік, мы яго не надта разумелі, але на шчасце, сумеснымі намаганнямі змаглі выцягнуць».

Алена Ялашэўская

Аб тым, як прыйшла думка выратаваць мужчыну, Алена адказвае: «Нас вучылі правілам бяспекі ў школе і каледжы. Нас вучылі, як дапамагчы чалавеку, калі ён тоне, і што рабіць пры пажары, і таму я запомніла. Лічу, што людзі павінны гэта ведаць. Веды і трохі фізікі — і я змагла выратаваць чалавечае жыццё. Гэта вельмі асаблівае адчуванне».

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2021 2022 2023
ПН АЎ СР ЧЦ ПТ СБ НД
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31