Знайсці
16.01.2022 / 08:42

Twitter заблакаваў акаўнт вярхоўнага лідара Ірана за анімацыйны ролік са сцэнай знішчэння Трампа

Акаўнт вярхоўнага лідара Ірана Алі Хаменеі быў заблакаваны пасля публікацыі ў ім відэа, дзе іранскі беспілотнік знішчае экс-прэзідэнта ЗША Дональда Трампа, каб «адпомсціць» яму за гібель два гады таму генерала Касема Сулеймані, паведамляе агенцтва Iran International.

Камандуючы спецпадраздзяленнем Корпуса вартавых ісламскай рэвалюцыі Касем Сулеймані, а таксама намеснік кіраўніка іракскага шыіцкага апалчэння Абу Махдзі аль-Мухандзіс былі забітыя ў ноч на 3 студзеня 2020 года ў выніку аперацыі з ужываннем беспілотніка, праведзенай ЗША ў раёне міжнароднага аэрапорта Багдада.

У Вашынгтоне Сулеймані і аль-Мухандзіса лічылі датычнымі да арганізацыі нападу на амбасаду ЗША ў Багдадзе 31 снежня 2019 года. І Трамп тады казаў, што Сулеймані быў «тэрарыстам нумар адзін у свеце».

У адказ Іран тады наносіў удары па амерыканскіх базах у Іраку. І заяўляў, што Найвышэйшая рада нацыянальнай бяспекі Ірана падрыхтавала 13 варыянтаў помсты ЗША.

Здавалася б, Трамп ужо год не пры ўладзе, але ў Іране пра тую сітуацыю памятаюць і спрабуюць даць хоць бы сімвалічны адказ. У чацвер на сайце Вярхоўнага лідара Ісламскай Рэспублікі быў апублікаваны анімацыйны ролік. У ім паказана, як хакер у камуфляжнай форме іранскага ўзору кіруе баявым робатам, які рухаецца па вуліцах Фларыды ў кірунку рэзідэнцыі Трампа з амерыканскім сцягам на высокім флагштоку.

Робат пранікае на тэрыторыю, дзе Трамп гуляе ў гольф з іншымі палітыкамі. Хакер адпраўляе на тэлефон Трампа паведамленне на англійскай мове: «Забойца Сулеймані і той, хто аддаў загад, заплацяць за гэта». Пакуль ахвяра чытае тэкст, «ліквідатар» дае каманду беспілотніку, націскаючы на «пуск».

Пасля таго адміністрацыя Twitter заблакавала адзін з акаўнтаў Хаменеі, дзе з'явілася гэта відэа, як паведамляецца, назаўжды.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2021 2022 2023
ПН АЎ СР ЧЦ ПТ СБ НД
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31