Знайсці
14.01.2022 / 12:08

Школьнае харчаванне: порцыі меншыя, чым трэба, але і гэта не ядуць

Камітэт дзяржаўнага кантролю праверыў харчаванне ў школах і дашкольных установах Віцебскай вобласці. Маніторынг у лістападзе-снежні 2021 года ў школах Віцебска, Аршанскага і Лёзненскага раёнаў паказаў недахопы.

Павялічыць

Фота: kgk.gov.by

Як выявіў КДК, навучэнцы адмаўляюцца есці тое, што ім даюць. Падчас праверкі на сталах у абедзенных залах знаходзілася вялікая колькасць астаткаў ежы, якія выкідваліся ў адходы.

Напрыклад, у адной са школ Віцебска пасля сняданку каля паловы другіх страў (гуляш і макарона) засталіся некранутыя, у лёзненскай школе адходы тварожнай запяканкі са смятанай склалі больш за чвэрць порцый.

Таксама былі выяўленыя факты недакладання порцый. Напрыклад, у адной з віцебскіх школ сярэдняя недавага порцыі склала 26%.

З прадуктамі на складах таксама не было належнага парадку, выявілі як выпадкі лішкаў, так і нястачы прадуктаў. Напрыклад, у школе ў Аршанскім раёне на складзе былі лішкі прадуктаў на 22 кг. Там жа ўстаноўленая нястача сокаў, малака і каўбасы.

Установам адукацыі накіраваныя рэкамендацыі па навядзенні парадку. Як паведамляе КДК, шэраг недахопаў аператыўна ліквідаваны: сумы нястачы кампенсаваныя вінаватымі асобамі; вынятае з абароту зношанае абсталяванне і посуд, у некаторых школах замененае абсталяванне; праведзенае анкетаванне навучэнцаў і зменены асартымент страў з улікам іх пераваг.

Да дысцыплінарнай адказнасці прыцягнутыя дзевяць кіраўнікоў і работнікаў устаноў адукацыі.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2021 2022 2023
снежань студзень люты
ПН АЎ СР ЧЦ ПТ СБ НД
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31