Знайсці
13.01.2022 / 09:33

Літоўская чыгунка: скасаванне кантракта на пастаўку беларускага калію не азначае спынення транзіту ўгнаенняў

Літва да 1 лютага скасуе кантракт на перавозку беларускага калію. Аднак скасаванне яшчэ не азначае, што транзіт калійных угнаенняў праз Літву спыніцца, адзначае Літоўская чыгунка.

Павялічыць

«Літоўская чыгунка» (LTG) удакладняе, што ў гэтай гісторыі ёсць два нюансы.

Першы — заяўкі ў яе даччыную кампанію LTG Cargo на перавозку беларускіх угнаенняў могуць падаваць і іншыя кампаніі, якія займаюцца транспарціроўкай грузаў.

Адна з галоўных умоў, каб такія фірмы не фігуравалі ў санкцыйных спісах. Фактычна, акрамя LTG, транспарціроўкай калію праз Літву можа займацца і іншая кампанія-перавозчык, пры гэтым выкарыстоўваць інфраструктуру Літоўскай чыгункі.

Другі нюанс заключаецца ў тым, што заяўка на транспарціроўку ўгнаенняў можа паступіць не ад самога «Беларуськалія», а ад іншай кампаніі.

 — «Беларуськалій» — не адзіная кампанія, якая можа замовіць перавозку гэтага грузу. Да LTG Cargo па-ранейшаму могуць звяртацца іншыя кампаніі, не ўключаныя ў санкцыйныя спісы, — тлумачаць у LTG.

«Літва далучылася да міжнародных пагадненняў, на падставе якіх існуючыя або патэнцыйныя кліенты могуць падаваць свае заяўкі на перавозку беларускіх угнаенняў. Гэта азначае, што ў LTG Cargo павінны быць важкія прававыя падставы для адмовы ў перавозцы такога грузу», — гаворыцца ў паведамленні LTG.

Кампанія абяцае пракансультавацца з літоўскімі чыноўнікамі наконт новай сітуацыі.

З 1 лютага Літва скасуе пагадненне паміж Літоўскай чыгункай і «Беларуськаліем»

Шрайбман: Гэта будзе самы моцны аднамомантны эканамічны ўдар з усяго, што Захад рабіў з Мінскам дагэтуль

«Гэта быў асноўны лагістычны калідор». Як цяпер «Беларуськалій» будзе пастаўляць прадукцыю на экспарт?

Nashaniva.com

Хочаш падзяліцца важнай інфармацыяй
ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2021 2022 2023
снежань студзень люты
ПН АЎ СР ЧЦ ПТ СБ НД
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31