Знайсці
12.01.2022 / 14:03РусŁacБел

Гандлёвыя сеткі зробяць зніжку на сацыяльна значныя тавары для «ўразлівых катэгорый насельніцтва»

Міністр антыманапольнага рэгулявання і гандлю Аляксей Багданаў і прадстаўнікі 16 буйных гандлёвых сетак падпісалі сёння пагадненне аб зніжках на сацыяльна значныя тавары для ўразлівых катэгорый насельніцтва. Зніжка складзе 10%. 

«Упершыню рэалізуем падобнае пагадненне, гэта агульны падыход дзяржавы і бізнэсу па падтрымцы ўразлівых катэгорый насельніцтва.

За апошні час прадукты харчавання выраслі ў цане, сітуацыя ў студзені паказвае, што кошт сельгаспрадукцыі і прадуктаў харчавання працягвае расці. Фактараў шмат. Насельніцтву трэба дапамагаць спраўляцца з гэтым,

таму вырашылі, што на сацыяльна значныя тавары ўразлівым катэгорыям насельніцтва будзе прадастаўленая 10-працэнтная зніжка», — цытуе Багданава БелТА.

Сярод гандлёвых сетак, якія падпісалі пагадненне, — «Санта Рытэйл», «Еўрагандаль», «Дабраном» («Капеечка», «Маяк»), «Віталюр», «Белмаркеткомпані»,«Белвілесдэн» («Гіпа»).

Плануецца, што спіс крам будзе пашырацца.

Хто менавіта будзе мець права на зніжку, як яна будзе прадастаўляцца, на падставе чаго, пакуль не паведамляецца.

Нагадаем, што з 15 снежня 2021 года рэгуляванне цэн распаўсюджваецца на 29 пазіцый сацыяльна значных тавараў (сярод іх мука, пярлоўка, хлеб, ялавічына, свініна, куры, малако, кефір, смятана, тварог, некаторая садавіна і гародніна, цукар і інш.), а таксама 50 пазіцый лекаў.

МАРГ працягнуў рэгуляванне цэн на сацыяльна значныя тавары на першыя тры месяцы 2022 года.

«Робінгуды запаволяць інфляцыю для бедных, але разгоняць для астатніх». Рытэйл каментуе ініцыятыву МАРГ аб зніжках

Саўміну зноў даручылі стрымліваць цэны і павысіць даходы людзей. Ці магчыма гэта

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера