Памёр старшыня Еўрапарламента Давід Сасолі
Сёння ноччу памёр старшыня Еўрапарламента Давід Сасолі. Яму было 65 гадоў.
corrriere.it
Сасолі памёр з-за сур'ёзных праблем з імуннай сістэмай. Адбылося гэта ў італьянскім горадзе Авіяна, дзе Сасолі быў шпіталізаваны яшчэ 26 снежня, паведамляе Corriere dela Serra.
The @EP_President David Sassoli passed away at 1.15 am on 11 January at the CRO in Aviano( PN), Italy, where he was hospitalized. The date and place of the funeral will be communicated in the next few hours.
«Дата і месца пахавання будуць абвешчаныя ў наступныя некалькі гадзін» — удакладніў яго прэс-сакратар.
У снежні Сасолі абвясціў, што не будзе зноў выстаўляць сваю кандыдатуру на выбарах кіраўніка Еўрапарламента. Да гэтага, у верасні 2021-га, яго шпіталізавалі з запаленнем лёгкіх у Страсбургу (яно не было выклікана COVID-19).
Сасолі пачынаў кар'еру як журналіст з невялічкіх газет і агенцый, затым працаваў у рымскай рэдакцыі штодзённага выдання Il Giorno, сем гадоў спецыялізуючыся на палітычнай хроніцы, затым працаваў на тэлебачанні. У 2006-2009 гадах быў віцэ-дырэктарам тэлеканала TG1.
У 2009 годзе абраны ў Еўрапейскі парламент па спісе Дэмакратычнай партыі, з таго часу пачалася яго палітычная кар'ера. Еўрапарламент узначальваў з ліпеня 2019 года.