Знайсці
11.01.2022 / 00:12

Ад новай загадкавай хваробы ў Канадзе памерлі 9 чалавек

Хвароба невядомага паходжання стала прычынай смерці дзевяці жыхароў адной з канадскіх правінцый. 

Брытанская газета «The Guardian» са спасылкай на ананімнага інфарматара з канадскага Vitalité Health Network, аднаго з двух мясцовых аператараў сістэмы аховы здароўя, паведамляе пра загадкавае неўралагічнае захворванне, якое было зафіксавана ў канадскай правінцыі Нью-Брансвік.

Хвароба, узнікненне якой было зафіксавана менавіта ў канадскім Нью-Брансвіку, на працягу апошняга года ўсяляк аналізавалася навукоўцамі. Нягледзячы на такі доўгі час даследавання, яе прычыны так і не сталі зразумелымі дактарам.

Сімптомамі захворвання з'яўляюцца праблемы з памяццю, спазмы ў цягліцах, значная неабгрунтаваная страта вагі, боль у канечнасцях і галюцынацыі.

Першапачаткова лічылася, што гэта прыённае захворванне, такія паталагічныя станы ўзнікаюць у выніку структурнай змены нармальнага паверхневага мембраннага бялку, які называюць клеткавым прыённым бялком, чыя дакладная функцыя невядомая. Аднак лабараторныя тэсты выключылі гэтую гіпотэзу.

На сённяшні дзень Упраўленне галоўнага санітарнага інспектара ў Нью-Брансвіку паведаміла, што таямнічае захворванне ахапіла 48 чалавек. Гэтая лічба застаецца нязменнай з самага першага афіцыйнага паведамлення пра хваробу ў пачатку вясны 2021 года.

Па дадзеных крыніц «The Guardian», колькасць выпадкаў захворвання можа быць значна вышэйшай. Афіцыйная статыстыка паведамляе, што ў выніку невядомага захворвання загінулі дзевяць чалавек.

Хвароба ў аднолькавай ступені праяўлялася як у жанчын, так і ў мужчын. Пацыентамі з'яўляюцца людзі ва ўзросце ад 18 да 85 гадоў.

Эпідэміялагічнае даследаванне, праведзенае Дэпартаментам аховы здароўя Нью-Брансвіка, выключыла магчымасць узнікнення захворвання праз паводзіны, экалагічныя або харчовыя фактары.

Згодна з дакументам, прадстаўленым Канадскай асацыяцыі неўрапатолагаў, памерлым спачатку быў няправільна пастаўлены дыягназ, у іх падазравалі хваробу Альцгеймера або рак.

Па словах Ціма Біці, чый бацька памёр у 2019 годзе якраз з сімптомамі невядомай хваробы, улады не прымаюць адэкватных мер для разумення гэтай хваробы.

Паводле адной з гіпотэз, пагаршэнне здароўя можа быць звязана з высокім узроўнем бэта-метыламіну-L-аланіну (BMAA). Высокая канцэнтрацыя гэтай амінакіслаты характэрная для амараў, якія з'яўляюцца адным з асноўных прадуктаў мясцовай рыбалоўнай прамысловасці.

Хоць Біці настойваў на эксгумацыі цела свайго бацькі з мэтай адшукаць сляды BMAA ў парэштках, яго просьбу мясцовыя ўлады не задаволілі.

Чалавек памёр пасля таго, як занадта хутка выпіў паўтара літра кока-колы. Тлумачым чаму

Недахоп вітаміну B12 — скрытая прычына шмат якіх хвароб

Nashaniva.com

Хочаш падзяліцца важнай інфармацыяй
ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2021 2022 2023
снежань студзень люты
ПН АЎ СР ЧЦ ПТ СБ НД
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31