Ізраіль прызнаў «Спутнік V». Беларусам цяпер будзе прасцей туды ездзіць
Ізраіль з сённяшняга дня адкрывае межы для грамадзян замежных дзяржаў, якія не раней чым за 6 месяцаў і не пазней чым за 14 дзён да даты ўезду зрабілі прышчэпку ад каранавіруса. Пры гэтым прызнаюцца як вакцыны, афіцыйна ўхваленыя СААЗ, так і расійскі «Спутник V».
Фота: 3d_generator / depositphotos.com
Ізраіль афіцыйна адмяніў так званы чырвоны спіс краін і дазволіў уезд з іх вакцынаваным. Нягледзячы на распаўсюджванне ў свеце новага штама «амікрон», у забароне на ўезд, раней працягнутай у канцы лістапада, цяпер, на думку ізраільскіх уладаў, неабходнасць адпала.
Праўда, наяўнасць прышчэпкі не адмяняе патрэбы рабіць ПЛР-тэст. Адмоўны яго вынік трэба будзе прадэманстраваць пры пасадцы ў самалёт. А пасля прыбыцця ў Ізраіль падарожнікам трэба будзе здаць яшчэ адзін тэст і да атрымання яго вынікаў або цягам 24 гадзін адбыць каранцін.
Чаму рэкордна шмат хворых на кавід у краінах з высокімі ўзроўнямі вакцынацыі
