Знайсці
04.01.2022 / 22:40

Не Imaguru, а «Інавацыя»: месца стартап-хаба ў Мінску заняла прыватная школа

На месцы стартап-хаба Imaguru на Фабрыцыуса, 4 у Мінску размясцілася прыватная школа. Памяшканні, якія належаць дзяржхолдынгу «Гарызонт», цяпер арандуе «Гімназія «Інавацыя», піша «Еўрарадыё».

Дырэктар і сузаснавальніца «Інавацыі» — Алена Мішчанка, кіраўніца Асацыяцыі прыватных устаноў адукацыі ў Рэспубліцы Беларусь. Маці Алены — Людміла Мішчанка — доўгі час была дырэктарам Магілёўскай дзяржаўнай гімназіі-каледжа мастацтваў, а ў 2001 годзе была даверанай асобай Аляксандра Лукашэнкі.

Алена неаднаразова была заўважаная ў кампаніі Лукашэнкі і чыноўнікаў «найвышэйшага кола» на розных нарадах.

Алена Мішчанка (бландзінка ў чорным пінжаку) за адным сталом з Лукашэнкам на нарадзе «па пытаннях унясення навацый у Кодэкс аб адукацыі», кастрычнік 2021 года

Алена Мішчанка (у чырвоным пінжаку) у кампаніі прэм'ер-міністра Рамана Галоўчанкі і іншых чыноўнікаў

Акрамя таго, дырэктар «Інавацыі» раздае інтэрв'ю дзяржаўнай прэсе, а дзяржТБ робіць рэпартажы пра яе школу. А аднойчы Алена з сабакам трапіла на інтэрв'ю да дрэсіроўшчыка Эдгарда Запашнага.

Злева направа: Алена Мішчанка ў рэпартажы «Беларусь 4», на АНТ і з Эдгардам Запашным

Школа Алены Мішчанка існуе пяць з невялікім гадоў. Яна прадстаўленая як «гімназія з двухмоўнай сістэмай навучання, на англійскай і рускай мовах». Аддзяленні прыватнай школы ёсць у Мінску і Магілёве. У 2021 годзе 12 месяцаў навучання ў «Інавацыі» абышліся б прыкладна ў 5750—6325 долараў.

Па словах сузаснавальніцы Imaguru Таццяны Марыніч, у красавіку 2021 года холдынг «Гарызонт» без тлумачэння прычын скасаваў дамову арэнды з хабам у аднабаковым парадку, а пазней кампанія была вымушаная рэлакавацца. Сама Таццяна звязвае гэтыя падзеі з палітычным ціскам і парадкам дня беларускіх уладаў, накіраваным супраць «непажаданых».

За час існавання Imaguru дапамог больш чым тромстам стартапам, сярод якіх ацэненая ў мільярд долараў IT-кампанія Pandadoc і праграма MSQRD, набытая пазней кампаніяй Facebook.

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2021 2022 2023
ПН АЎ СР ЧЦ ПТ СБ НД
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31