Знайсці
03.12.2021 / 10:07

«Будзе смешна і балюча»: «Купалаўцы» прэзентуюць заўтра новы спектакль. У галоўных ролях — Манаеў, Белахвосцік, Гарцуева

Незалежная тэатральная група «Купалаўцы» анансавала пачатак другога сезона. У гэту суботу ў Кракаве яны пакажуць «Запіскі афіцэра Чырвонай Арміі» паводле Пясецкага.

Яны ставяць п'есу паводле рамана «Запіскі афіцэра Чырвонай Арміі» пісьменніка Сяргея Пясецкага — польскамоўнага аўтара з Ляхавіч, кантрабандыста і шпіёна.

«Запіскі афіцэра Чырвонай Арміі» апісваюць падзеі Другой сусветнай вайны на Віленшчыне і Гарадзеншчыне. Твор прынята лічыць жорсткай сатырай, якая ў гратэскных фарбах малюе менталітэт савецкага салдата — носьбіта магутнай ідэалогіі, грамадзяніна новай вялікай дзяржавы. Але што будзе, калі прыгледзецца да галоўнага героя ўважлівей?»

«Мішка Зубаў — усяго толькі маленькі чалавек, прагны да жыцця ва ўсіх яго праявах і такі нягеглы ў абыходжанні са сваёй доляй. Што рыхтуе лёс такім людзям? А што яны самі нясуць у свет? Змрочныя і супярэчлівыя часы Сяргей Пясецкі малюе з уласцівым яму аднаму чорным гумарам. Будзе смешна і балюча, абяцаем вам», — гаворыцца ў анонсе.

Прэм'ера адбудзецца ў Кракаве на фестывалі «Боская камедыя» ў суботу, 4 снежня, у 19:00, сцэна «Małopolski Ogród Sztuki».

Праз месяц, 13 студзеня, п'еса з'явіцца анлайн на ютуб-канале Купалаўцаў.

Павялічыць

Рэжысёр — Мікалай Пінігін.
Сцэнаграфія і касцюмы — Кацярына Шымановіч.
Аўтар афішы — Кацярына Сімановіч.

Ролі выконваюць:

Мішка Зубаў — Андрэй Дробыш,
Пані Марыя — Валянціна Гарцуева,
Ліпа, чыгуначнік — Андрэй Градабоеў,
Маёр НКУС — Ігар Сігоў,
Шавец — Сяргей Чуб,
Колька — Віктар Манаеў
Пані Юзэфа — Зоя Белахвосцік,
Малуга — Мікалай Кучыц,
Дуня — Алеся Бельская,
Гітлер, Вася, тлусты капіталіст — Аляксандр Зелянко, 
Сталін — Аляксандр Паўлаў.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2021 2022 2023
снежань студзень люты
ПН АЎ СР ЧЦ ПТ СБ НД
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31