Лабарантку «Гродна Азота» асудзілі на паўтара года хатняй хіміі за счэпку на адной з акцый
Суд Кастрычніцкага раёна Гродна разгледзеў крымінальную справу ў дачыненні да 35-гадовай лабаранткі хімічнага аналізу прадпрыемства «Гродна Азот» Вольгі Белазёравай.
Паводле абвінавачвання, жанчына «натхняючы сваімі паводзінамі навакольных з мэтай падахвочвання ў іх пачуцця неабходнасці ўдзелу ў паказаным несанкцыянаваным масавым мерапрыемстве, парушала ўмовы адпачынку і побыту грамадзян, дэманстравала свой намер аказаць відавочнае непадпарадкаванне».
Суддзя Вольга Бекушава прызначыла пакаранне на паўгода меншае за тое, што прасіла дзяржабвінаваўца: 1,5 года «хатняй хіміі».
Жыхароў Гродна працягваюць судзіць за ўдзел у «Маршы адзінства», які адбыўся ў горадзе летась 6 верасня. Праз год, 6 верасня 2021-га, у Гродне адбыліся дзясяткі затрыманняў удзельнікаў таго марша. І цяпер суды адзін за адным выносяць абвінаваўчыя прысуды ў дачыненні да гэтых людзей, нагадваюць праваабаронцы.