Стайня Пуслоўскіх у Слоніме прададзеная за 67 тысяч даляраў
Будынак былой стайні Пуслоўскіх у мікрараёне Слоніма Альбярцін быў выстаўлены на аўкцыён. І нядаўна знайшоўся пакупнік, які выкупіў былую стайню Пуслоўскіх крыху больш за 67 тысяч даляраў. Хто выкупіў будынак і што там будзе знаходзіцца — пакуль невядома, паведамляе budzma.by
Стайня — помнік гісторыка-культурнай спадчыны Беларусі. Яна ўваходзіць у комплекс сядзібы Пуслоўскіх у Альбярціне. Стайня, як і сам палац, флігель, шэраг прадпрыемстваў былі пабудаваныя ў першай палове XIX стагоддзя. Тады ў Альбярціне побач быў закладзены і вялікі парк з рэдкімі пародамі дрэў.
Пасля Другой сусветнай вайны палац і стайня Пуслоўскіх належалі Слонімскаму кардонна-папяроваму заводу. Потым у стайні зрабілі моладзевы цэнтр адпачынку, а ў апошні час яна пуставала.
