«Вакцына з'явілася не з наскоку!» Прафесар Карпаў адказаў антывакцынатарам
У чым важнасць вакцынацыі супраць COVID-19 і ці праўдзівыя аргументы праціўнікаў прышчэпак ад кавіду, расказаў галоўны пазаштатны інфекцыяніст Мінздароўя, доктар медыцынскіх навук, прафесар Ігар Карпаў.
Гаворачы пра важнасць вакцынацыі, Карпаў падкрэсліў, што яна цяпер з'яўляецца даступным і эфектыўным метадам з пункту гледжання таго, каб не падвяргацца цяжкай форме гэтага захворвання.
— Мы вакцынуемся, каб пазбегнуць цяжкай формы хваробы і самага непрыемнага зыходу ў гэтай сітуацыі, — адзначыў прафесар Карпаў.
Вакол вакцынацыі шмат розных размоў. Так, некаторыя скептыкі адзначаюць, што такія прэпараты створаны ў абмежаваны перыяд часу.
— Добра, што тэхналагічна аказаліся гатовыя да таго, каб на працягу года стварыць вакцыну. І яна, у тым ліку вектарная, якая выкарыстоўваецца ў нас, — я маю на ўвазе «Спутнік V», «Спутнік Лайт» — з'явілася не з наскоку, не проста так: вось узялі і зрабілі, — адзначыў Карпаў.
Паводле яго слоў, існавала такая лінія і базіс, дастаткова добра адпрацаваны, які бярэ пачатак яшчэ ў савецкі час.
