Краіны ЕС пачалі забараняць уезд з Паўднёвай Афрыкі з-за новага штама
Францыя, Германія, Нідэрланды, Чэхія, Італія і Аўстрыя зрабілі больш жорсткімі абмежаванні на ўезд з краін Паўднёвай Афрыкі пасля выяўлення новага штама кавіду B.1.1.529 у Батсване.
Так, Парыж вырашыў прыпыніць усе рэйсы з паўднёвай часткі Афрыкі. Людзі, якія прыбылі адтуль на працягу апошніх 14 дзён, павінны паведаміць пра гэта ўладам і здаць тэст на COVID. Германія дазваляе ўязджаць у краіну з гэтай часткі толькі сваім грамадзянам, усе яны, уключаючы вакцынаваных, павінны будуць здаць ПЛР-тэст.
Гаворка ідзе аб такіх афрыканскіх краінах, як Паўднёва-Афрыканская Рэспубліка, Лесота, Батсвана, Зімбабвэ, Мазамбік, Намібія і Эсваціні.
Еўракамісія рыхтуецца прапанаваць краінам ЕС прыпыніць авіязносіны з рэгіёнам.
Сярод азіяцкіх краін рашэнне абмежаваць палёты і ўезд прынялі Сінгапур, Малайзія і Японія.