Знайсці
27.11.2021 / 10:09

Тэатральная хваля салідарнасці. Якія спектаклі пра рэпрэсіі ў Беларусі з'явіліся ў свеце і дзе іх можна паглядзець?

Падзеі, што адбыліся ў Беларусі пасля выбараў-2020 года адразу назвалі вартымі сюжэтаў кніг і кіно. І першая порцыя іх ужо створаная. У тым ліку і першыя спектаклі. Расказваем пра частку з іх: на якіх тэатральных пляцоўках прагучалі (ці хутка пачнуць гучаць) гісторыі пра беларусаў.

200 паказаў у 30 краінах свету

Адным з самых пладавітых аўтараў у плане рэакцый на паслявыбарчыя падзеі апынуўся драматург, сцэнарыст Андрэй Курэйчык. Над першай п’есай «Пакрыўджаныя. Беларусь(сія)» ён пачаў працаваць амаль адразу пасля выбараў-2020. Тэкст апісвае першы месяц пратэстаў.

Сярод галоўных герояў — Аляксандр Лукашэнка і яго сын Мікалай, Святлана Ціханоўская, Марыя Калеснікава, Аляксандр Тарайкоўскі і іншыя. Ужо 25 снежня 2020 года п’есу паставілі ў Кіеве. Пасля гэтага праект быў паказаны больш 200 разоў у 30 краінах свету — атрымалася маштабная тэатральная салідарнасць.

У новай п’есе «Галасы новай Беларусі» Курэйчык сканцэнтраваўся на гісторыях палітвязняў. Асноўнымі героямі сталі Марыя Калеснікава, Мікалай Статкевіч, Ігар Лосік, асуджаныя і затрыманыя па гучных справах «студэнтаў», «Прэс-клуба», «Тутбая», айцішнікі, бізнесоўцы, пенсіянеры, паэты і шмат хто іншы — усяго больш за 20 гісторый пра людзей, што трапілі пад каток рэпрэсій.

Павялічыць

Фота з прэм'еры «Галасоў Новай Беларусі». Фэйсбук Андрэя Курэйчыка.

«Гэтыя дваццаць гісторый давялося адбіраць больш чым з 700. Але і гэта кропля ў моры. Мы ведаем, што іх дзясяткі тысяч. Як і з «Пакрыўджанымі.Беларусь» мы спадзяёмся падняць хвалю салідарнасці з палітвязнямі у тэатрах розных краін», — кажа аўтар.

Павялічыць

Фота з прэм'еры «Галасоў Новай Беларусі». Фэйсбук Андрэя Курэйчыка.

Прэм’ера спектакля па п’есе ўжо прайшла у польскім Тэатры імя Маджэеўскай у Легніцы.

Міжнародны праект пад кіраўніцтвам Івана Вырыпаева

Яшчэ адзін праект наўпрост цяпер рыхтуецца ў Варшаве ў Новым тэатры. І ўзначальвае яго Іван Вырыпаеў — вядомы драматург, сцэнарыст і рэжысёр родам з Расіі.

«Для нас гэта магчымасць даць голас тым, хто зараз знаходзіцца ў жудасных умовах», — каментуе рэжысёр.

У спектаклі задзейнічаныя беларускія акцёры: напрыклад, Паліна Дабравольская (нядаўна яна таксама выпусціла свой дэбютны музычны альбом пад брэндам CHORNABROVA), Павел Гарадніцкі (удзельнік Свабоднага тэатра, музыка гурта «Разбітае сэрца пацана»), Ігар Шугалееў.

Павялічыць

Яшчэ адзін зорны ўдзельнік праекта — акцёр з Беласточчыны Барташ Бяленя, вядомы па ролі крымінальніка Даніэля ў фільме «Цела Божае». 

Выніковы спектакль каманды будзе грунтавацца на тэкстах з беларускіх судоў, на лістах палітвязняў, інтэрв'ю пацярпелых. Як распавяла «Нашай Ніве» прадзюсерка Марына Дашук, плануецца, што прэм’ера адбудзецца ў канцы снежня бягучага года.

Літва і Расія

У снежні мінулага года спектакль «Дыхаем разам» пра беларускія паслявыбарчыя падзеі паказалі ў Рускім драматычным тэатры Літвы. Асновай для яго сталі перажыванні і ўспаміны беларускіх акцёраў і рэжысёраў (Анастасіі Шпакоўскай, Аляксандра Малчанава і іншых), прыехаўшых у Літву. Іх досвед і транслюецца ў драме, што атрымалася ў выніку.

Павялічыць

Фота: www.rusudrama.lt

У Расіі ж падняць беларускую тэму ўзяліся ў Тэатры.doc. Праўда, першы вербацімны паказ «Суседзі» з гісторыямі пацярпелых ад сілавікоў у Маскве быў сарваны. Падчас чытанняў на сцэне з'явіўся паліцыянт і папрасіў гледачоў выйсці на вуліцу з-за паведамлення пра мінаванне.

 

«Gloomy sunday» Свабоднага тэатра

Свой спектакль пра падзеі 9 жніўня пад назвай «Gloomy sunday» стварае Свабодны тэатр. Трупа была вымушаная пакінуць Беларусь і рэпетуе, як і многія незалежныя акцёры і рэжысёры за межамі краіны. Аснова для будучага спектакля шмат у чым заснаваная на ўласным досведзе акцёраў. Рэжысёрам выступае Мікалай Халезін. 

«Пакуль усё на этапе эскізаў, і мы ў фазе перамоваў з рознымі структурамі — разглядаем варыянты капрадукцыі з нейкім з буйных сусветных тэатраў. Мы ў складанай фінансавай сітуацыі праз патрэбу рэлакацыі трупы», — падзяліўся з «Нашай Нівай» Мікалай Халезін.

Павялічыць

Фота з рэпетыцыі «Радыё Свабоды».

Акрамя вышэйпералічанага, было напісана вельмі шмат п’ес, якія ўжо былі ўзятыя ў распрацоўку ці чакаюць сваёго часу. Напрыклад, пісьменнік Аляксандр Філіпенка напісаў п’есу «Ціхары» пра суд над лекарам, які ў 2020 годзе адмаўляецца лячыць амапаўца. На жаль, у Беларусі пакуль усе гэтыя актуальныя творы афлайн паглядзець немагчыма.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2021 2022 2023
снежань студзень люты
ПН АЎ СР ЧЦ ПТ СБ НД
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31