Знайсці
25.11.2021 / 20:43

У Амстэрдаме ў тэставым рэжыме запусцілі лодкі-робаты: яны будуць перавозіць людзей і збіраць смецце

У сталіцы Нідэрландаў пачаліся выпрабаванні аўтаномных электрычных судоў пад назвай Roboats («робалодкі»). Дзякуючы модульнай канструкцыі яны трансфармуюцца і адаптуюцца пад розныя задачы, перадае tjournal.ru. 

Так, робаты могуць перавозіць груз або пасажыраў, збіраць смецце па шляху руху і нават злучацца адзін з адным для фармавання плывучай інфраструктуры, напрыклад докаў або мастоў.

Павялічыць

У аснове судна ляжыць электраплатформа з акумулятарам, рухальнай устаноўкай і сістэмамі кіравання, у тым ліку для аналізу вады ў рэальным часе. Арыентавацца ў прасторы дапамагаюць камеры з вуглом агляду ў 360° і лідары — як у беспілотных аўтамабілях.

Верхняя частка платформы ўзаемазамяняльная. Пасажырскі модуль абсталяваны сядзеннямі і змяшчае 5-6 чалавек. Час аўтаномнай працы — каля 10 гадзін, пры гэтым «робалодкі» падтрымліваюць бесправадную зарадку.

Праект распрацаваны лабараторыяй камп'ютарных навук і штучнага інтэлекту МТІ (CSAIL) у супрацоўніцтве з Амстэрдамскім інстытутам перадавых гарадскіх рашэнняў (AMS).

Па словах прафесара Карла Раці, прылады яшчэ знаходзяцца ў стадыі тэставання, але ў арганізацыі ўжо ёсць планы па іх запуску ў камерцыйную эксплуатацыю.

«На цяперашні момант гэта яшчэ прататып. Кіраванне будзе адбывацца з дапамогай сэнсарнага інтэрфейсу. Вы проста паказваеце пункт прызначэння, і лодка даставіць вас туды, куды трэба», — распавёў распрацоўшчык.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2020 2021 2022
ПН АЎ СР ЧЦ ПТ СБ НД
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31