Суд адмовіў у пераводзе палітзняволенага музыканта Ігара Банцара з «хіміі» ў калонію
Новы суд над рок-музыкам Ігарам Банцарам прайшоў у Віцебску 24 лістапада. Суд Чыгуначнага раёна адмовіў кіраўніцтву віцебскай «хіміі» ў жаданні перавесці Банцара ў калонію на больш жорсткі рэжым.
Першапачаткова Банцар меў вызваліцца з «хіміі» ў лютым 2022 года. Калі б рашэнне аб пераводзе ў калонію ад 29 верасня засталося ў сіле, то ён бы скончыў адбываць пакаранне сёлета ў лістападзе. Аднак пасля новага суда 24 лістапада пакуль незразумела, калі ў палітвязня скончыцца тэрмін пакарання.
Першы такі суд адбыўся над Банцарам 29 верасня. Тады яму прызначылі 1 месяц і 25 дзён калоніі агульнага рэжыму да канца зняволення.
Аднак праз месяц пасля таго суда высветлілася, што судовыя дакументы аформілі няправільна, бо спаслаліся на артыкул 415 Крымінальнага кодэкса, які нядаўна выключылі з заканадаўства.
Падтрымайце палітвязня: ВУАТ №9, 210034, г. Віцебск, вул. 3-я Чэпінская, 39
