Знайсці
25.11.2021 / 08:36

Кіраўнік офіса прэзідэнта Перу схаваў грошы ў ванным пакоі прэзідэнцкага палаца

Пракуратура Перу знайшла 20 000 даляраў ЗША ў ванным пакоі прэзідэнцкага палаца. У пятніцу пракуратура абшукала палац у рамках расследавання абвінавачванняў у «гандлі ўплывам» з боку чыноўнікаў.

Павялічыць

Getty Images

Бруна Пачэка, які ў пятніцу падаў у адстаўку з пасады кіраўніка Адміністрацыі прэзідэнта Пэдра Касцілья, сказаў следству, што грошы належаць яму, але адмаўляў любыя правапарушэнні, паведамляе Бі-бі-сі.

Паводле яго слоў, «заначка» складалася з яго зберажэнняў і зарплаты. Штомесячная зарплата Пачэка да адстаўкі складала 25 000 соляў (6 250 даляраў ЗША).

Ён не сказаў следчым, чаму трымаў такую суму грошай у ванным пакоі свайго офіса.

Прэзідэнт Перу Пэдра Касцілья прыйшоў да ўлады ў ліпені гэтага года пасля напружаных выбараў, якія падзялілі краіну напалову.

Ён былы настаўнік і прафсаюзны актывіст, які вызнае левыя погляды адносна эканомікі і знешняй палітыкі, у той жа час выступае супраць аднаполых шлюбаў і абортаў. Яго называюць першым «бедным прэзідэнтам» краіны.

Ператрус у прэзідэнцкім палацы стаў часткай расследавання абвінавачванняў у тым, што Пачэка ціснуў на кіраўніка падатковага і мытнага агенцтва Перу, каб ён даў некаторым кампаніям, якімі кіруюць яго сябры, больш выгадныя ўмовы.

Пачэка адмаўляе абвінавачванні.

Ён таксама настойваў на тым, што яго адстаўка не была звязаная з гэтым. «Я іду з высока паднятай галавой і з упэўненасцю, што дакажу сваю невінаватасць», - напісаў ён у заяве.

Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2020 2021 2022
ПН АЎ СР ЧЦ ПТ СБ НД
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30