Знайсці
22.11.2021 / 20:47РусŁacБел

Святлана Ціханоўская гаварыла па тэлефоне з Ангелай Меркель

Лідарка беларускай апазіцыі і канцлер Нямеччыны абмяркоўвалі сітуацыю ў Беларусі і міграцыйны крызіс на мяжы.

Меркель пачала размову са слоў: «Гэта добрая магчымасць пагаварыць, таму што вы былі не вельмі задаволеныя маёй размовай з Лукашэнкам».

Паводле афіцыйнага паведамлення на сайце нямецкага канцлера, Меркель адзначыла падтрымку Нямеччыны беларускаму дэмакратычнаму руху і падкрэсліла, што палітычнае кіраўніцтва Беларусі павінна спыніць рэпрэсіі супраць апазіцыі і незалежных журналістаў, вызваліць зняволеных і ўступіць у дыялог з грамадствам, каб пераадолець крызіс шляхам справядлівых і свабодных новых выбараў.

Нагадаем, Ангела Меркель 15 лістапада правяла тэлефонную размову з Аляксандрам Лукашэнкам па пытаннях міграцыйнага крызісу.

Ціханоўская тады сказала: «Дыялог за спінамі беларусаў непрымальны. Гэта ніякім чынам не вырашыць ніводны з канфліктаў. Толькі поўная змена палітычнай сітуацыі ў краіне прывядзе да паслядоўна станоўчых вынікаў».

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера