Знайсці
22.11.2021 / 20:29

Жыцця без кавіду не будзе. З надыходам зімы ў ЗША чакаюць пік захворванняў

Амерыканскія даследчыкі прадказваюць, што да вясны 2022 у ЗША памрэ 1 мільён чалавек ад каранавіруса. Гэта звязваюць з малой доляй вакцынаваных — іх у краіне 60%, піша «Гардзіян».

Павялічыць

Фота з Pixabay.com

Медыкі б’юць у званы: у Еўропе ўжо пачаўся рэзкі скачок захворванняў (на сёння на Еўропу прыпадае дзве трэці ўсіх выпадкаў захворванняў у свеце), а гэта значыць, што неўзабаве пік пачнецца і ў ЗША. Тым не менш, у медыкаў ёсць нагода і для аптымізму.

Па-першае, вакцынацыя зніжае смяротнасць і неабходнасць класці пацыента ў шпіталь. Прышчэпка ў гэтым сэнсе эфектыўная на 85%. А 90% з тых, хто памірае ці трапляе ў рэанімацыю, былі не прышчэпленыя.

Гэта значыць, што ў другую зіму пандэміі не давядзецца бачыць перапоўненыя моргі і аддзяленні інтэнсіўнай тэрапіі.

Другая нагода для аптымізму сярод амерыканскіх дактароў звязаная з вакцынацыяй дзяцей. Цяпер яны больш не будуць пераносчыкамі інфекцыі.

Нарэшце новыя антывірусныя лекі абяцаюць ператварыць каранавірус на інфекцыю, якой можна даць рады.

На Захадзе ўжо пераасэнсавалі значэнне фразы «поўнасцю вакцынаваны»: цяпер гэта абазначае, што чалавек атрымаў тры прышчэпкі, а не дзве, як раней. Тым не менш, бустарныя (дадатковыя) прышчэпкі — гэта не самы эфектыўны спосаб спыніць распаўсюд каранавіруса, разумеюць цяпер навукоўцы. Самы эфектыўны — гэта пераканаць непрышчэпленых людзей прышчапіцца.

Эксперты цяпер лічаць, што каранавірус стане эндэмічным захворваннем (захворваннем, характэрным для пэўнай мясцовасці) і застанецца з намі на дзесяцігоддзі. Хіба праз шмат гадоў інфекцыя стане проста менш цяжкай.

«Пандэмія каранавіруса можа ніколі не «скончыцца», як многія спадзяваліся на пачатку пандэміі», — кажа доктар Даўдзі, дацэнт кафедры эпідэміялогіі Універсітэта Джонса Хопкінса.

Пытанне цяпер стаіць па-іншаму: калі мы зможам дабіцца таго, каб гэты вірус стаў зносным для нас як для грамадства?

А жыцця без каранавіруса ўжо не будзе ніколі.

У заможных краінах мяняюць разуменне таго, каго лічыць поўнасцю вакцынаваным. І гэта не падабаецца СААЗ

Як спыніць выпадзенне валасоў пасля кавіду? 

Паднялася тэмпература ці з'явіліся прыкметы ВРВІ. Як дзейнічаць ва ўмовах каранавіруса

Nashaniva.com

Хочаш падзяліцца важнай інфармацыяй
ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2020 2021 2022
ПН АЎ СР ЧЦ ПТ СБ НД
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30