МЗС Аўстрыі: Добрыя адносіны Беларусі з Расіяй і ЕС патрэбныя для бяспекі Еўропы
Беларусь павінна мець добрыя стасункі з Расіяй і Еўрасаюзам, гэта важна для бяспекі Еўропы. Пра гэта заявіў у панядзелак кіраўнік МЗС Аўстрыі Міхаэль Лінхарт на прэс-канферэнцыі ў Вене па выніках міжнароднай канферэнцыі па Беларусі, якая была арганізаваная аўстрыйскім знешнепалітычным ведамствам, паведамляе ТАСС.
Міхаэль Лінхарт, EPA
«Мы хочам стабільную Беларусь, якая мае добрыя адносіны з Еўропай і Расіяй, таму што гэта важна для нашай бяспекі і стабільнасці Еўропы», — адзначыў Лінхарт.
Па словах міністра, Еўропа хоча бачыць Беларусь дэмакратычнай дзяржавай.
У сувязі з гэтым Лінхарт назваў неабходнай арганізацыю дыялогу паміж уладамі гэтай краіны і апазіцыяй для ўрэгулявання «тупіковай» унутрыпалітычнай сітуацыі ў Беларусі.
Ён таксама лічыць Вену найлепшай пляцоўкай для вядзення такога дыялогу.