Знайсці
22.11.2021 / 12:00

Дваровыя сустрэчы суседзяў ЮНЕСКА можа прызнаць культурнай спадчынай. Праўда, у Гішпаніі

Жыхары гішпанскага мястэчка Альгар традыцыйна, калі сонца сядае, выносяць старыя крэслы на вуліцу і сядаюць пагаварыць з суседзямі і сваякамі. Цяпер яны спадзяюцца, што ЮНЕСКА прызнае «размовы пад адкрытым небам» культурнай спадчынай, перадае BBC.

Павялічыць

Скрыншот з відэа BBC

Яшчэ гадоў пяцьдзясят таму ў Гішпаніі была жывая цудоўная традыцыя — пасля працоўнага дня суседзі выносілі драўляныя крэслы на вуліцу, каб астудзіцца і каб нагаварыцца.

Сацыяльныя сеткі амаль цалкам знішчылі гэтую завядзёнку, а пандэмія ледзь не выкараніла яе дазвання.

Падчас пандэміі людзі востра адчулі, наколькі каштоўныя жывыя чалавечыя размовы.

«Пустыя вуліцы нараджалі пустату ўнутры», — тлумачыць адзін з жыхароў Альгару і расказвае, што гэта натхніла альгарцаў адрадзіць старую завядзёнку.

Гарадскі рамеснік, які спецыялізуецца на рамонце драўляных крэслаў, згадвае дзяцінства і тыя размовы на адкрытым паветры і паказвае крэсла, якому ўжо больш пяцідзесяці год. На ім сядзела маці майстра. Для яе ён і рамантуе крэсла.

«Спадзяюся, традыцыя адродзіцца і будзе такой жа моцнай, як і ў старыя часы, — кажа адна з альгарак, седзячы на такім старым драўляным крэсле перад сваім домам. — Мы, суседзі, добра ладзім адно з адным. Мы яшчэ ні разу не пабіліся».

Альгарцы лічаць, што прызнанне ЮНЕСКА не дазволіць сацыяльным сеткам знішчыць важную частку іх культуры.

Псіхолаг пра народную дэпрэсію: «На самай справе, у беларусаў ёсць шыкоўны патэнцыял, каб справіцца з праблемай»

Nashaniva.com

Хочаш падзяліцца важнай інфармацыяй
ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2020 2021 2022
ПН АЎ СР ЧЦ ПТ СБ НД
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30