Знайсці
16.11.2021 / 19:36

Даведацца, якой маёмасцю валодаюць чыноўнікі, стала немагчыма

Нацыянальнае кадастравае агенцтва змяніла інфармацыю ў базах нерухомасці. Цяпер імёны грамадзян і прадпрымальнікаў, якія валодаюць маёмасцю, схаваныя. Раней пры дапамозе гэтай базы можна было даведацца, напрыклад, уласнікамі якога жылля з’яўляюцца чыноўнікі.

Павялічыць

Як агенцтва тлумачыць прычыну? Пачаў дзейнічаць закон «Аб абароне персанальных даных», прыняты вясной. Такім чынам, з 15 лістапада персанальныя даныя грамадзян і індывідуальных прадпрымальнікаў, якім належыць нерухомасць, больш не будуць адлюстроўвацца. 

Дзяржслужачыя абавязаныя штогод падаваць дэкларацыі аб даходах — на сябе і блізкіх сваякоў, аднак да грамадства гэтыя звесткі не даходзяць. Хоць у многіх еўрапейскіх краінах у мэтах барацьбы з карупцыяй гэтыя даныя — адкрытыя. У Беларусі ж лічаць гэта немэтазгодным.

Генпракурор Аляксандр Канюк у свой час заяўляў, што публікацыя такой інфармацыі можа стаць нагодай для злачынстваў супраць маёмасці чыноўнікаў. 

Нагадаем таксама, што сёлета было змененае і крымінальнае заканадаўства ў частцы абароны персанальных даных. З’явіліся два новыя артыкулы:

  • Арт. 203-1 КК: Незаконныя дзеянні ў дачыненні да інфармацыі аб прыватным жыцці і персанальных даных. Важна: калі гаворка ідзе пра распаўсюджванне звестак чыноўнікаў і іх родных, пакаранне больш жорсткае — да 5 год калоніі.
  • Арт. 203-2 КК: Невыкананне мер забеспячэння абароны персанальных даных.

У найбліжэйшы час супрацоўнікі дзяржорганаў, якія маюць доступ да збору і апрацоўкі персанальных даных, павінны прайсці дадатковае навучанне, каб не дапусціць парушэння закона. 

Nashaniva.com

Хочаш падзяліцца важнай інфармацыяй
ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2021 2022 2023
снежань студзень люты
ПН АЎ СР ЧЦ ПТ СБ НД
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31