БелТА дагэтуль не паведаміла пра гібель двух расійскіх дэсантнікаў пры высадцы пад Гроднам
На сайце беларускага дзяржаўнага інфармацыйнага агенцтва дагэтуль няма інфармацыі пра трагічны выпадак на палігоне Гожа.
Учора падчас раптоўных вучэнняў там загінулі два расійскія дэсантнікі-кантрактнікі.
Расійскае дзяржаўнае інфармацыйнае агенцтва ТАСС учора ўвечары паведаміла пра гібель вайскоўцаў галоўнай навіной. Беларускія дзяржаўныя СМІ на гэты момант паведамляюць са спасылкай на кіраўніка сіл спецаперацый Беларусі Вадзіма Дзенісенку
толькі пра тое, што «праверка паказала высокую гатоўнасць і здольнасць выконваць задачы на любым кірунку і ў самыя кароткія тэрміны ажыццявіць дастаўку дэсантаў з выкарыстаннем вайскова-транспартнай авіяцыі Расійскай Федэрацыі і верталётаў ВПС і войскаў СПА Рэспублікі Беларусь».
На думку аналітыкаў, Масква хацела б цяпер павялічыць на Беларусі сваю пастаянную вайсковую прысутнасць. Высадка дэсантнікаў пад Гроднам, як і пралёты расійскіх атамных бамбардзіроўшчыкаў і імітацыя скідання бомбаў за 60 км ад польскай мяжы ‒ яўная дэманстрацыя расійскага кантролю над Беларуссю.
Звярнула ўвагу, што пра гібель дэсантнікаў першай, літаральна адразу пасля здарэння, паведаміла група былых беларускіх сілавікоў ‒ праціўнікаў Аляксандра Лукашэнкі, якая базуецца за мяжой.
«Масква хацела б павялічыць на Беларусі сваю пастаянную вайсковую прысутнасць». Якая роля Расіі ў мігранцкім крызісе?
