Знайсці
06.11.2021 / 13:52РусŁacБел

«Падазрэнні ў спробе дзяржперавароту супрацоўнікаў цэнтральнага апарату МУС». Хакеры злілі ў сетку новую партыю «даносаў»

У верасні аб’яднанне хакераў заявіла про ўзлом базы званкоў на лінію 102. Тады яны злілі даныя пра 2842 чалавек, якія ў жніўні-верасні паведамлялі ў міліцыю пра бел-чырвона-белыя сцягі і стужкі, людзей, што збіраюцца на пратэсты, і гэтак далей. Сёння з’явілася другая партыя звестак — гэта больш за 1400 чалавек. І змест іх званкоў.

Фота: lenta.ru.

Паведамленні размеркаваныя па карце і некаторыя выглядаюць так.

«Валодае фактамі, якія сведчаць пра неабходнасць праверкі і перадачы матэрыялаў у следчыя органы па падазрэнні ў сабатаванні і ўдзелу ў путчы і спробе дзяржаўнага перавароту некаторых супрацоўнікаў цэнтральнага апарату МУС», — паведамляе жыхар Мінска.

«Невядомыя асобы распаўсюджваюць пра яе інфармацыю аб тым, што яна, калі была старшынёй выбарчай камісіі, фальсіфікавала выбары», — такі званок паступіў з Браслаўскага раёна.

«У цырульні супрацоўнік носіць белую стужку на руцэ і не хоча здымаць», — паведаміў жыхар Баранавічаў. Выглядае, што ён якраз уладальнік той самай цырульні.

«Да выбарчага ўчастка пад'ехаў аўтамабіль, з якога выйшаў (імя і прозвішча), у якога на адзенні была белая стужка, а з машыны ціха іграла музыка «Я чакаю перамен», і ў машыне ляжаў сцяг белага колеру», — такое паведамленне было ў Расонскім раёне.

Між тым аб'яднанне хакераў адзначае, што, нягледзячы на тысячы імёнаў у іх спісе, колькасць такіх людзей складае менш за 0,1% насельніцтва.

Міністэрства ўнутраных спраў дагэтуль не пракаментавала ні ўзлом базы лініі «102», ні АІС «Пашпарт».

Чытайце таксама:

«На мяне самога напісалі чатыры даносы». Гісторык Ігар Кузняцоў пра злітую базу зваротаў у міліцыю і паралелі з 1930-мі

Як беларусам далей жыць са стукачамі і ахвярамі? Вопыт нямецкага грамадства, якому давялося прызнаць калектыўную віну

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера