Знайсці
05.11.2021 / 20:06РусŁacБел

У Польшчы затрымалі праваднікоў, якія перавозілі нелегальных мігрантаў на хуткай

У Польшчы недалёка ад Бельска-Падляскага затрымалі машыну хуткай дапамогі, якая перавозіла мігрантаў замест пацыентаў. Кіроўца спрабаваў збегчы, але яго знайшлі з дапамогай верталёта, паведамляе паліцыя.

4 лістапада памежнікі паведамілі паліцыі, што ў напрамку горада Бельск-Падляскі едзе машына хуткай дапамогі, у якой могуць перавозіцца нелегальныя мігранты. Аўтамабіль не накіроўваўся ў бальніцу.

Калі паліцэйскія спынілі машыну, кіроўца збег. У аўтамабілі застаўся яго 29-гадовы напарнік, грамадзянін Польшчы, і пяць грамадзян Ірака, якія нелегальна перайшлі беларуска-польскую мяжу. Кіроўцу знайшлі з дапамогай верталёта.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера