Знайсці
03.11.2021 / 22:41РусŁacБел

Рынкавы кошт EPAM за год вырас на 80% — кампанію ацэньваюць у $33 млрд

Рынкавы кошт кампаніі EPAM па стане на 12 кастрычніка склаў амаль 33 мільярды долараў. Такія звесткі апублікаваў часопіс Fortune, які склаў новы рэйтынг «100 самых хуткарослых кампаній свету».

У аналагічным рэйтынгу 2020 года кошт EPAM складаў крыху больш за 18 мільярдаў даляраў (на канец верасня). Такім чынам, за год рынкавы кошт EPAM вырас амаль на 15 мільярдаў даляраў, або на 81%.

У спіс «100 самых хуткарослых кампаній» па версіі часопіса Fortune кампанія EPAM трапіла трэці год запар і заняла ў гэтым годзе 25 месца. У аналагічным рэйтынгу 2020 года кампанія была на 21 месцы.

У спіс Fortune 100 уваходзяць публічныя кампаніі, якія ацэньваюцца па суме такіх паказчыкаў, як сукупны гадавы даход, рост выручкі і прыбытак на акцыю за апошнія тры гады.

Па даных Fortune, за гэты перыяд сярэднегадавы рост выручкі EPAM склаў 22%, а рост прыбытку на акцыю — 48%.

У гэтым годзе (за студзень — чэрвень) выручка EPAM склала амаль 1,7 мільярда даляраў. У параўнанні з такім жа перыядам мінулага года выручка вырасла на 29,5%.

Па выніках усяго года кампанія прагназуе рост выручкі на 37%. Пры такім прагнозе гадавая выручка EPAM перавысіць 3,6 мільярда долараў.

Таксама сёлета інтэнсіўна растуць акцыі EPAM. Учора цана акцый дасягнула новага гістарычнага максімуму. Адна акцыя кампаніі таргавалася на Нью-Йоркскай фондавай біржы за 674 долары. У цэлым сёлета цана адной акцыі EPAM вырасла на 88%, або на 310+ даляраў.

dev.by

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера