За абразлівыя каментары на адрас чыноўнікаў і Лукашэнкі мужчыну пакаралі трыма гадамі «хіміі» і вялікім штрафам
Як стала вядома правабаронцам, у судзе Савецкага раёна г. Мінска 29 кастрычніка агучылі прысуд па крымільнай справе ў дачыненні да палітзняволенага Вадзіма Гіля, якога вінавацілі ў абразе прадстаўніка ўлады (арт. 369 КК) і абразе прэзідэнта (ч. 1 арт. 368 КК).
Агучылі прысуд па крымінальнай справе ў дачыненні да палітзняволенага Вадзіма Гіля, якога вінавацілі ў абразе прадстаўніка ўлады (арт. 369 КК) і абразе прэзідэнта (ч. 1 арт. 368 КК). Паводле абвінавачвання, мужчына з красавіка па чэрвень 2021 году пакінуў шэраг каментароў у чаце тэлеграм-канала «Кулуары KYKY», у якіх абразіў 11 чалавек.
Пацярпелымі па справе былі прызнаныя начальнік мінскага АМАПа Дзмітрый Балаба, міліцыянт-кіроўца Шукайла, старшыня пастаяннай каміі Палаты прадстаўнікоў Андрэй Савіных і пракурорка Аліна Касьянчык.
Суддзя Марына Фёдарава прысудзіла Гілю тры гады «хіміі» і штраф у 300 базавых. Акрамя таго, яна пастанавіла канфіскаваць мабільны тэлефон мужчыны у даход дзяржавы, а таксама выплаціць Балабе маральную кампенсацыю ў памеры 1000 рублёў.
