Знайсці
23.10.2021 / 18:03

У Ганконгу запусцілі пяцігадзінны аўтобусны маршрут для людзей, якія хочуць выспацца

У Ганконгу запусцілі новы аўтобусны тур працягласцю пяць гадзін, які дазволіць стомленым пасажырам выспацца або проста расслабіцца ў дарозе, паведамляе AP. Працягласць турыстычнага маршруту складае 76 кіламетраў.

Павялічыць

Арганізатары тура ўзялі за аснову схільнасць пасажыраў драмаць у грамадскім транспарце. «Калі мы абмяркоўвалі ідэі новых тураў, я ўбачыў у сацыяльнай сетцы пост сябра, які скардзіўся на тое, што настолькі нерваваўся на працы, што не мог нармальна спаць па начах у ложку, але выдатна засынаў у аўтобусе», — кажа Кэнэт Конг, менеджар арганізацыі ulu travel, якая распрацавала маршрут.

Цана паездкі ў двухпавярховым аўтобусе вар'іруецца ад $13 да $51 у залежнасці ад набытага месцы. Усім пасажырам выдаюць маскі для сну і берушы, каб нішто не адцягвала ад адпачынку. Упершыню Sleeping Bus Tour пратэставалі 16 кастрычніка — усе квіткі на рэйс былі распрададзеныя. Некаторыя пасажыры прынеслі з сабой уласную коўдру, тэпцікі і дарожную падушку.

«Людзям у Ганконгу не хапае часу на сон, і даводзіцца знаходзіць для гэтага іншыя магчымасці, напрыклад падчас штодзённай паездкі на працу ў грамадскім транспарце. У выніку ў некаторых пасажыраў ён пачынае асацыявацца са сном. Вось чаму ім лягчэй расслабіцца ў аўтобусе», — кажа доктар Шырлі Лі.

Нягледзячы на тое, што асноўная мэта тура — адпачынак у салоне, аўтобус таксама спыняецца ў маляўнічых месцах, дзе ўдзельнікі тура могуць зрабіць фота.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2020 2021 2022
ПН АЎ СР ЧЦ ПТ СБ НД
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30