Знайсці
23.10.2021 / 15:33

Лаўрэатка міжнародных конкурсаў з Мінска падарыла палацу ў Нясвіжы раяль, якому больш за сто год

У экспазіцыі Нацыянальнага гісторыка-культурнага музея-запаведніка «Нясвіж» з’явіўся антыкварны кабінетны раяль фабрыкі Rönisch, рассказвае «Звязда». 

Павялічыць

Як расказалі ў музеі-запаведніку, раяль з гісторыяй, вінтавое крэсла з круглым сядзеннем і VIII том (паланэзы) для фартэпіяна поўнага збору твораў Фрэдэрыка Шапэна перадала ў дар мінчанка Тамара Мікалаеўна Астапенка — піяністка, лаўрэат міжнародных конкурсаў, уладальніца ганаровага дыплома Міжнароднага музычнага форуму «Мастацтва XXI стагоддзя» і дыплома Сусветнай Арганізацыі ЮНЕСКА.

Гэты інструмент у свой час належаў прадстаўнікам вядомай сям’і Бенуа, якая падарыла Санкт-Пецярбургу і Расіі вялікую колькасць дзеячаў мастацтваў — таленавітых мастакоў, архітэктараў, мастацтвазнаўцаў. Пазней раяль трапіў у дом бабулі Тамары Мікалаеўны. Вядома, што музычны інструмент перажыў блакаду Ленінграда ў Вялікую Айчынную вайну.

Раяль, падараваны комплексу «Нясвіж», мяркуючы па серыйным нумары (40509), датуецца 1905—1906 гадамі. На інструменце прысутнічаюць гербы Германіі, Саксоніі, Расійскай імперыі, а таксама факсіміле подпісу Карла Роніша з таўром і надпісам: «Гэтым подпісам у таўро засведчыў, што да гэтай прылады была выкарыстана самая старанная праца і бездакорны матэрыял».

Павялічыць

Убачыць рэдкі экспанат цяпер можна ў каміннай зале палацавага комплексу.

Павялічыць

Як запэўніў дырэктар Нацыянальнага гісторыка-культурнага музея-запаведніка «Нясвіж» Дзмітрый Яшчанка, унікальны музычны інструмент стане не толькі візуальным музейным экспанатам, але і будзе дарыць асалоду прыхільнікам класічнай музыкі падчас правядзення тэматычных вечароў у палацы Радзівілаў. 

Фабрыка Rönisch была заснавана ў 1845 годзе ў Дрэздэне (Германія) Карлам Ронішам. Ён памёр у 1894 ва ўзросце 80 гадоў. Кіраванне кампаніяй перайшло ў рукі яго сыноў: Альберту — у якасці бізнэс-менеджара і Герману — у якасці менеджара вытворчасці. У 1897 годзе сыны Роніша адкрылі фабрыку ў Санкт-Пецярбурзе (а зачынілася яна ў 1917 годзе). У 1900-м на Сусветнай парыжскай выставе «Роніш» атрымлівае залаты медаль. Іншыя ўзнагароды атрыманы на выставах у Амстэрдаме, Сіднэі, Чыкага, Мельбурне…

Nashaniva.com

Хочаш падзяліцца важнай інфармацыяй
ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2020 2021 2022
ПН АЎ СР ЧЦ ПТ СБ НД
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30