Сіноптыкі анансавалі пахаладанне на выходных, а то і сімвалічны першы снег
У пятніцу праз Беларусь пачне прарывацца халодны атмасферны фронт. Тэмпература пачне паніжацца. Змяненне характару надвор'я будзе суправаджацца «барычнай пілой» — сёння атмасферны ціск падае, заўтра пачне актыўна расці, распавялі БелТА ў Гідрамеце.
Фота Віктара Малышчыца
У пятніцу ноччу на большай частцы тэрыторыі краіны, удзень месцамі — кароткачасовыя дажджы. Прагназуецца моцны парывісты паўднёва-заходні вецер.
Днём будзе +8-14, у Мінску да +11.
У суботу, 23 кастрычніка, на большай частцы тэрыторыі — кароткачасовыя дажджы. Вецер парывісты, месцамі па паўднёвым захадзе моцны парывісты. Удзень +6-12 градусаў цяпла. У Мінску да +8.
У нядзелю пахаладае. Хмар стане менш і ападкі ў многіх рэгіёнах спыняцца, але па паўночным усходзе краіны магчымы першы ў гэтым сезоне сімвалічны снег. Удзень будзе +4-10.
У пачатку наступнага тыдня удзень тэмпература паветра будзе знаходзіцца ў межах ад плюс +5-7 да +10-12 градусаў.
А вось ў сярэдзіны наступнага тыдня халоднае паветра пакіне Беларусь і ўстановіцца ўмерана цёплае як для канца кастрычніка надвор'е.
