Знайсці
20.10.2021 / 12:45

Генпракуратура адмовілася выдаваць Расіі «сведку Іеговы», якога на радзіме абвінавачваюць у экстрэмізме

Генеральная пракуратура Беларусі адмовілася выдаваць Расіі «сведку Іеговы» Алега Ланшакова, які прасіў аб палітычным прытулку.

Пра гэта «Медыязоне» распавялі ў прэс-службе арганізацыі.

Расіяніна адпусцілі з брэсцкага СІЗА №7, дзе ён правёў больш за два тыдні.

Ланшакова затрымалі 29 верасня і змясцілі ў СІЗА. Як адзначалі «Сведкі Іеговы», ад беларускіх сілавікоў верніку стала вядома, што ў Расіі ён праходзіць па крымінальнай справе аб арганізацыі экстрэмісцкай арганізацыі (частка 1 артыкула 282.2 КК РФ) і абвешчаны ў міждзяржаўны вышук.

З-за «рэлігійных рэпрэсій» у 2020 годзе Ланшакоў з'ехаў у Беларусь і жыў у Брэсце больш за год. Ён атрымаў від на жыхарства і прасіў аб палітычным прытулку.

«Сведкі Іеговы» адзначаюць, што хадайніцтва аб прытулку МУС Беларусі разгледзіць «у найбліжэйшыя тыдні».

У красавіку 2020 года Генпракуратура Беларусі адмовіла Расіі ў выдачы іегавіста Мікалая Махалічава. Яго затрымалі падчас падарожжа па Беларусі; у Расіі супраць Махалічава расследавалася крымінальная справа паводле часткі 1 артыкула 282.2 КК РФ (Удзел у экстрэмісцкай арганізацыі). Апынуўшыся ў віцебскім ізалятары, вернік, як і Ланшакоў, папрасіў палітычнага прытулку. Пасля адмовы ў выдачы Расіі яго вызвалілі з СІЗА.

Вясной 2017 года Вярхоўны суд Расіі прызнаў «Сведак Іеговы» экстрэмісцкай арганізацыяй і забараніў іх дзейнасць на тэрыторыі краіны.

Пасля гэтага па ўсёй Расіі сталі ўзбуджаць крымінальныя справы супраць адэптаў веравучэння, іх абвінавачваюць ва ўдзеле ў забароненай экстрэмісцкай арганізацыі (артыкул 282.2 КК). «Сведкі Іеговы» рэгулярна паведамляюць пра збіццё адэптаў сілавікамі. 

Nashaniva.com

Хочаш падзяліцца важнай інфармацыяй
ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2020 2021 2022
ПН АЎ СР ЧЦ ПТ СБ НД
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31