Лукашэнка запатрабаваў не адмяняць планавую меддапамогу
Пра гэта ён заявіў на нарадзе па эпідэміялагічнай сітуацыі і мерах па супрацьдзеянні распаўсюджванню каранавіруснай інфекцыі.
«Неадкладна падрыхтаваць план мерапрыемстваў, каб не было адмены ніякіх планавых аглядаў, — сказаў палітык. — Ніякай адмены планавых маніпуляцый, аперацый, кансультацый быць не павінна».
«Рашэнне прынята, займайцеся», — сказаў Аляксандр Лукашэнка.
Нагадаем, учора ў Міністэрстве аховы здароўя быў падпісаны загад, які часова прыпыняе аказанне планавай медыцынскай дапамогі ў амбулаторна-паліклінічных арганізацыях аховы здароўя.
У тым ліку гаворка ішла аб правядзенні дыспансерызацыі, скрынінгавых мерапрыемствах, аказанні рэабілітацыйнай дапамогі, выкананні фізіятэрапеўтычных працэдур, лячэнні ў аддзяленнях дзённага знаходжання, аказанні планавай стаматалагічнай дапамогі.
Мінздароўя растлумачыла, чаму прыпыніла аказанне планавай меддапамогі
