Знайсці
19.10.2021 / 12:00

«У характарыстыцы будзе бачна, ці ты змагар, ці ябацька». Як выглядаюць новыя правілы прыёму на працу на дзяржпрадпрыемствы

На лаяльнасць да ўлады будуць правяраць пры прыёме на працу? Нядаўна прыняты дэкрэт №6 робіць больш жорсткімі патрабаванні да супрацоўнікаў дзяржаўных органаў і арганізацый. Адзін з кадравікоў падзяліўся з «Нашай Нівай» асцярогамі, ува што могуць выліцца новыя правілы гульні.

Павялічыць

Што змянілася? Цяпер пры прыёме на працу дзяржаўныя арганізацыі абавязаны будуць запытваць характарыстыку на чалавека з папярэдняга месца.

У ёй, апроч прафесійных якасцяў і дысцыплінаванасці, мусіць адлюстроўвацца стаўленне да дзяржаўных і грамадскіх інстытутаў.

Формы новай характарыстыкі кадравікі яшчэ не бачылі.

«Раней запыт характарыстыкі быў толькі правам наймальніка, а не абавязкам (артыкул 26 Працоўнага кодэкса), але гэта нічога не давала па сутнасці.

Ніхто гэтым не займаўся, акрамя сілавых структур. Дый форма была адвольная — у асноўным пісалі, які добры хлопец», — дзеліцца спецыяліст кадравага аддзела аднаго з дзяржпрадпрыемстваў.

Аб будучых кіраўніках будуць запытваць інфармацыю з банка даных пра правапарушэнні. Раней такія звесткі звычайна збіраліся, напрыклад, на ахоўнікаў ці дзяржслужачых, але на простых кіраўнікоў — не.

«Патрабаванне характарыстыкі значна запаволіць афармленне на працу. На кадравікоў абрынецца вал гэтых характарыстык. З аднаго боку, іх будзе патрэбна пісаць, а пісаць невядома што. Адкуль я ведаю, чалавек змагар ці ябацька? Пакуль характарыстыкі няма, нельга прымаць на працу.

З іншага боку, прыйдзе работнік, які падыходзіць, але ў яго характарыстыцы нешта дрэннае напісалі — той жа артыкул 24.23. Дырэктар браць такога хутчэй за ўсё пабаіцца.

Потым новы чалавек, зноў чакаць характарыстыку», — звяртае ўвагу на праблемы кадравік.

На думку суразмоўцы, гэты дэкрэт выглядае як спроба запалохаць пратэстоўцаў.

«Маўляў, спачатку ўсіх звольнім з працы, а потым вас не возьмуць, бо ў характарыстыцы будзе бачна, што ты змагар.

Да гэтага часу ніякай схемы, як доўгачасова пераследаваць чалавека, не было. Для кадравікоў няма ніякіх адкрытых спісаў ці праграмы, у якую забіваеш імя кандыдата і глядзіш, ці можна яго браць. Як толькі супрацоўнік звольніўся, ён становіцца чыстым лістом для новага наймальніка. І прад’явіць: «Навошта вы ўзялі на працу змагара?» — нельга.

Цяпер за чалавекам будзе цягнуцца «хвост». Гэта спосаб адпомсціць таксама. Тым больш за выдачу характарыстыкі з заведама непраўдзівай інфармацыяй прадугледжана адказнасць. Хаця наўрад ці дэкрэт спрацуе на 100%», — лічыць кадравік.

Дэкрэт №6, які ўносіць змены ў Дэкрэт № 5 ад 2014 года «Аб узмацненні патрабаванняў да кіраўнічых кадраў і работнікаў арганізацый», быў падпісаны 12 кастрычніка. У сілу ён уступіць праз 10 дзён пасля апублікавання, то-бок 22 кастрычніка.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2020 2021 2022
ПН АЎ СР ЧЦ ПТ СБ НД
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31