Кіраўнік расійскага парламента прапанаваў увесці працэдуру адклікання Нобелеўскай прэміі міру
Спікер расійскай Дзярждумы Вячаслаў Валодзін прапанаваў увесці працэдуру адклікання Нобелеўскай прэміі міру.
«Калі кажуць аб Нобелеўскай прэміі ў галіне фундаментальных навук — пытанняў няма. Зразумела, за што іх уручаюць. <…> З прэміяй міру такой яснасці няма, як няма крытэрыяў ацэнкі», — заявіў ён.
Як адзначыў спікер Дзярждумы, у розныя гады Нобелеўскую прэмію міру атрымлівалі экс-прэзідэнт СССР Міхаіл Гарбачоў, палітык з М'янмы Аун Сан Су Чжы, былы прэзідэнт ЗША Барак Абама і прэм'ер-міністр Эфіопіі Абій Ахмед Алі. Валодзін лічыць, што ўсе яны дапусцілі шэраг маштабных памылак, аж да развязвання войнаў, аднак ні ў адным з гэтых выпадкаў Нобелеўскі камітэт не адклікаў прэмію міру.
Паводле яго слоў, недапушчальна, калі людзі, датычныя да жудасных злачынстваў, да гэтага часу з'яўляюцца яе лаўрэатамі. А тыя, хто сапраўды заслугоўвае гэтай узнагароды, — не. «Чаму? Таму што там, дзе няма дакладных крытэрыяў, заўсёды будуць пытанні. Асабліва, калі гаворка ідзе аб рашэннях, якія носяць палітычны характар», — сказаў Валодзін.
У пачатку кастрычніка Нобелеўскую прэмію міру ўручылі галоўнаму рэдактару расійскай «Новой газеты» Дзмітрыю Муратаву за «намаганні па абароне свабоды выказвання меркаванняў, якая з'яўляецца перадумовай дэмакратыі і ўстанаўлення трывалага міру».
