Знайсці
14.10.2021 / 20:29

Кошт польскага плота на мяжы з Беларуссю складзе каля 350 мільёнаў еўра

Улады пераконваюць, што будаўніцтва агароджы неабходнае, паколькі на мяжы па-ранейшаму існуе высокая рызыка правакацый з беларускага боку, паведамляе Польскае радыё.

Павялічыць

Reuters.com

У найбліжэйшыя дні будзе прадстаўлены план фінансавання будаўніцтва новай сістэмы бяспекі на польска-беларускай мяжы, паведаміў намеснік міністра замежных спраў Польшчы Павел Яблоньскі (Paweł Jabłoński). Кошт інвестыцый складзе 1,6 мільярда злотых (амаль 350 мільёнаў еўра). Гэта будзе спецыяльная агароджа, якая павінна ахоўваць польскую мяжу і знешнюю мяжу Еўрасаюза ад нелегальных мігрантаў.

Павел Яблоньскі нагадаў, што на мяжы па-ранейшаму існуе высокая рызыка правакацый з беларускага боку:

— Арганізатары гэтай акцыі імкнуцца да дэстабілізацыі і паніжэння нашай бяспекі. Розныя правакацыі павінны прывесці да росту напружання і ахвяраў — гэта мэта супрацоўнікаў Лукашэнкі. Гэта рэальная небяспека, і гэта трэба разумець.

Агароджа на польска-беларускай мяжы будзе складацца з плота, абсталяванага сучаснай інфраструктурай, у тым ліку электроннай і тэлекамунікацыйнай.

Нагадваем, з пачатку кастрычніка польскія памежнікі зафіксавалі больш за 6 тысяч спробаў незаконнага перасячэння мяжы з Беларусі ў Польшчу.

Урад Польшчы падкрэслівае, што сітуацыя на мяжы з Беларуссю з'яўляецца часткай гібрыднай вайны, якую праводзіць рэжым у Мінску пры падтрымцы расійскіх уладаў.

Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2020 2021 2022
верасень кастрычнік лістапад
ПН АЎ СР ЧЦ ПТ СБ НД
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31