Для майнераў крыптавалюты будзе свой тарыф на электраэнергію
У пастанове Мінэнерга і Міністэрства антыманапольнага рэгулявання і гандлю Беларусі, апублікаванай на Нацыянальным прававым інтэрнэт-партале, гаворыцца: майнер крыптавалют і аператары дата-цэнтраў увайшлі ў новую тарыфную групу спажыўцоў электраэнергіі, паведамляе Onliner.by
У дакуменце гаворыцца: «Да катэгорыі «Арганізацыі, якія ажыццяўляюць апрацоўку даных, прадастаўленне паслуг па размяшчэнні інфармацыі і звязаную з гэтым дзейнасць, уключаючы майнінг і дзейнасць цэнтраў апрацоўкі даных» адносяцца спажыўцы, відам дзейнасці якіх з'яўляецца апрацоўка даных, прадастаўленне паслуг па размяшчэнні інфармацыі і звязаная з гэтым дзейнасць, пры аб'ёме спажывання электрычнай энергіі ў год ад 25 млн кВт·г і вышэй».
Мінэнерга выдзеліла для гэтай катэгорыі чатыры тарыфныя групы ў залежнасці ад аб'ёмаў спажывання электраэнергіі:
— ад 25 млн кВт/г да 50 млн кВт/г;
— ад 50 млн кВт/г да 300 млн кВт/г;
— ад 300 млн кВт/г да 500 млн кВт/г;
— ад 500 млн кВт кВт г.
Колькі будзе каштаваць электраэнергія, не паведамляецца.
