Знайсці
13.10.2021 / 16:53

«Другі раз пазбаўляюць адваката». Бацька Міколы Дзядка расказвае, што адбываецца па справе сына

Сёння стала вядома, што вядомую адвакатку Наталлю Мацкевіч, якая абараняла Віктара Бабарыку, Сяргея Ціханоўскага, а таксама Міколу Дзядка, адхілілі ад працы. Гэта другі раз, калі анархіста пазбаўляюць адваката. Суд над Дзядком пачаўся 29 чэрвеня, а на другім пасяджэнні Дзядок заявіў, што яго катаваў ГУБАЗіК. З 6 ліпеня суд спынілі для правядзення комплекснай псіхолага-лінгвістычнай экспертызы наконт нібыта распальвання варожасці ў дачыненні да супрацоўнікаў АМАП і дзяржслужачых. Як цяпер рухаецца справа Дзядка, «Нашай Ніве» расказаў ягоны бацька, былы суддзя Аляксандр Дзядок.

Павялічыць

Аляксандр Дзядок

«Я атрымаў афіцыйнае паведамленне ад адваката Наталлі Мацкевіч, што на яе завялі дысцыплінарную вытворчасць і яе адхілілі ад працы, — кажа Аляксандр Дзядок. — Цікава, што яшчэ не закончанае судовае следства — стадыя судовага працэсу, калі вывучаюцца доказы, — а майго сына ўжо другі раз пазбаўляюць адваката.

Спачатку пазбавілі ліцэнзіі адваката Маслава, а цяпер адхілілі ад абавязкаў адваката Мацкевіч. Прычым Мацкевіч нават не ўдзельнічала ў судзе па справе майго сына — яна мусіла ўдзельнічаць, калі справу вернуць у суд.

Як я ўжо казаў, па справе Мікалая працягваецца судовае следства, яно не скончанае. Падчас яго суд прызначыў псіхолага-лінгвістычную экспертызу. Заключэнне экспертызы яшчэ не з’явілася, справа знаходзіцца ў экспертаў, па той інфармацыі, якую я маю.

Экспертыза ідзе ўжо амаль тры месяцы: гэта надта доўга, стандартны тэрмін — максімум месяц. Прычыны мне невядомыя, магу толькі меркаваць. Мяркую, што Камітэт судовых экспертыз сёння вельмі моцна загружаны падобнымі экспертызамі, бо, прабачце, гэта сёння стала «модна» — праводзіць такія экспертызы па справах палітычных.

Пазаўчора я атрымаў ад сына ліст. У цэлым усё нармальна, хіба толькі праблемы са здароўем: была прастуда, баліць галава, баліць вуха.

Яму абяцаюць медыцынскую дапамогу, але ці выканае гэтае абяцанне адміністрацыя СІЗА, я не ведаю. Ужо не раз сутыкаліся, што абяцанні не выконваліся».

Мікалай Дзядок на судовым пасяджэнні распавёў шакуючыя падрабязнасці свайго затрымання. Ці не пацягнула гэта нейкія наступствы?

«Каб штосьці такое было, мы б пра гэта ведалі, — кажа Аляксандр Дзядок. —

Прыклад майго сына паказвае, што баяцца нельга. 

Сын зрабіў тое, што трэба было зрабіць, і я яго цалкам падтрымліваю. Бо трэба казаць праўду».

Nashaniva.com

Хочаш падзяліцца важнай інфармацыяй
ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2020 2021 2022
верасень кастрычнік лістапад
ПН АЎ СР ЧЦ ПТ СБ НД
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31