Знайсці
13.10.2021 / 12:57

Верасень пабіў рэкорды па колькасці кінутых і прыстроеных у добрыя рукі жывёл

Верасень адзначыўся для «Фаўны горада» самай вялікай з пачатку года колькасцю катоў і сабак, якіх туды здало насельніцтва.

Пра гэта Мінск-Навінам паведаміла дырэктар прадпрыемства Тамара Царыкоўская.

Павялічыць

У «Фаўне горада» мяркуюць, што ў кастрычніку сюды таксама прывязуць нямала «хвастоў». Увосень актыўнасць «гаспадароў», якія насамрэч так і не здолелі імі стаць, заўсёды павышаецца: яны імкнуцца прыстроіць перад зімой непатрэбных гадаванцаў. Выбіраюць для гэтага часам вельмі хітрыя спосабы. Работнікі прадпрыемства перыядычна знаходзяць на парозе пакеты і скрынкі з чатырохногімі, іншым разам нават упрыгожаныя банцікамі і цыдулкамі аб тым, якая выдатная жывёла ўнутры.

— За верасень было адлоўлена 69 катоў, а насельніцтва здало 40 — у разы больш, чым у папярэднія месяцы, — прыводзіць даныя Т. Царыкоўская.

З сабакамі сітуацыя аналагічная: у першы месяц восені жыхары пакінулі на «Фаўне горада» 31 сабаку, хоць у папярэднія месяцы такім чынам сюды траплялі ад 6 да 16 сабак штомесяц.

Ёсць і пазітыўная статыстыка. У верасні з прадпрыемства ў новыя дамы або на ператрымкі з'ехалі 99 сабак і 117 катоў, што таксама пакуль рэкорд года.

Па стане на 12 кастрычніка ў клетках і вальерах «Фаўны горада» знаходзяцца 86 сабак і 36 катоў. І ім патрэбныя дом і клапатлівыя гаспадары. Жадаючым забраць з прадпрыемства пухнатага сябра варта мець пры сабе пашпарт, ланцужок для сабак, пераноску ці іншы кантэйнер для транспарціроўкі катоў, кацянят і шчанюкоў.

На прадпрыемстве дзейнічаюць абмежаванні па наведванні ў сувязі з каранавірусам. Так, па чацвяргах тут санітарны дзень і наведвальнікаў не прымаюць. У астатнія дні з 14:00 да 19:00 можна прыязджаць і забіраць сваіх жывёл, якія трапілі ў адлоў, з 17:30 да 19:00 — выбіраць сабе новага сябра. Важна памятаць аб захаванні масачнага рэжыму і сацыяльнага дыстанцыявання.

Нагадаем, у «Фаўны горада» ёсць уласны Telegram-канал, дзе публікуюць фатаграфіі хатніх жывёл, якія паступаюць туды, і інфармацыю пра іх. Гэты канал таксама можа быць карысны ў выбары гадаванца.

Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2020 2021 2022
верасень кастрычнік лістапад
ПН АЎ СР ЧЦ ПТ СБ НД
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31