Джоан Роўлінг выпусціла новую кнігу
Брытанская пісьменніца Джоан Роўлінг, вядомая як аўтар раманаў пра Гары Потэра, выпусціла новую дзіцячую кнігу пад назвай «Каляднае парася».
Reuters.com
Галоўным героем новага твора стаў сямігадовы хлопчык Джэк. Ён адпраўляецца ў загадкавую краіну, дзе кіруе жудасны монстр, каб выратаваць сваю любімую цацку-парася па імені Пок. Джэка чакаюць прыгоды і цяжкія выпрабаванні, але ён гатовы на ўсё дзеля выратавання сябра, паведамляе lenta.ru.
Адзначаецца, што ў фармаце дзіцячай казкі ў кнізе падымаюцца складаныя пытанні пра жыццё ў прыёмнай сям'і, развод і сямейны гвалт. Роўлінг прысвяціла твор свайму сыну Дэвіду.
У пасляслоўі яна напісала, што гісторыя пра адважнага хлопчыка, які адправіўся на пошукі свайго плюшавага сябра, прыйшла ёй у галаву, калі пісьменніца з дзецьмі адпачывала на пясчаным пляжы.
Друкаваная версія «Каляднага парасяці» выйшла адначасова на 20 мовах.
