У Мінску выкананне масачнага рэжыму будуць правяраць з удзелам міліцыі
Камітэт па ахове здароўя Мінгарвыканкама нагадвае грамадзянам аб тым, што ў Беларусі з 9 кастрычніка стала абавязковым для ўсіх нашэнне масак і прытрымліванне дыстанцыі ў грамадскіх месцах. Выкананне гэтых патрабаванняў будзе правяраць у тым ліку і міліцыя.
Згодна з пастановай Міністэрства аховы здароўя ад 6 кастрычніка 2021 г. № 105, грамадзянам трэба не толькі выкарыстоўваць маскі або рэспіратары, але і трымацца дыстанцыі 1-1,5 м.
— Асобна сказана аб грамадскім транспарце і таксі — у гэтай норме гаворыцца толькі аб масках, але не аб дыстанцыі, — падкрэслілі ў Камітэце аховы здароўя Мінгарвыканкама.
Кіраўнікі розных аб'ектаў і арганізацый павінны забяспечыць кантроль выканання гэтых правілаў. Будзе праводзіцца маніторынг, у тым ліку з удзелам міліцыі.
— Спачатку парушальнікаў будуць проста пераконваць, а потым магчымая адказнасць, — адзначылі ў Камітэце.
