Назвалі нобелеўскіх лаўрэатаў па эканоміцы
Сёння былі названыя апошнія нобелеўскія лаўрэаты.
BREAKING NEWS:
The 2021 Sveriges Riksbank Prize in Economic Sciences in Memory of Alfred Nobel has been awarded with one half to David Card and the other half jointly to Joshua D. Angrist and Guido W. Imbens.#NobelPrizepic.twitter.com/nkMjWai4Gn
Прэмію ў галіне эканомікі атрымаюць канадска-амерыканскі вучоны Дэвід Кард, а таксама амерыканцы Джошуа Ангрыст і Гвіда Імбенс.
У паведамленні адзначаецца, што яны ўзнагароджаны за «рэвалюцыю ў эмпірычных даследаваннях у галіне сацыяльных навук, што значна палепшыла здольнасць даследчыкаў адказваць на пытанні, якія маюць вялікае значэнне для ўсіх нас».
Нобелеўская прэмія па эканоміцы — адзіная, не пазначаная ў завяшчанні Альфрэда Нобеля. Афіцыйна яна называецца прэміяй шведскага Дзяржаўнага банка па эканамічных навуках памяці Альфрэда Нобеля.
У 1968 годзе ў гонар свайго 300-годдзя Цэнтральны банк Швецыі ахвяраваў Нобелеўскаму фонду буйную суму грошай на тое, каб заснаваць яшчэ адну прэмію — па эканамічнай навуцы.
Лаўрэата эканамічнай прэміі выбірае Шведская акадэмія навук. Яна кіруецца тымі ж правіламі, што і пры ўзнагароджанні выдатных работ у іншых навуковых дысцыплінах.
